قوم الفتات بحفل عبد الله حسين

هذه القصيده للشاعر مسلم عواد العميري بمناسبة احتفال الفته بربعم الحويطات بالطايف


[poem=font="Arabic Transparent*6*black*normal*normal" bkcolor="transparent" bkimage="" border="none*4*gray" type=1 line=0 align=center use=ex num="0*black"]


سـلام ياوجـوه النشامـا العريبيـن=اهل الفكر والراي واصحاب الالبـاب
اهل الكرم والجود ورجـال سمحيـن=سقتوالنـا فنجـال كايـف وجـذاب
تحيةٍ مـن ضامـرٍ خاطـره زيـن=مثل العسل يحلى على ريـق شـراب
اعـداد ماطافـوا بمـكـه ملبـيـن=واعـداد مانـادى مئـذن بمحـراب
ثم بعدها لوتنضـرب فـي ملاييـن=تصعب نتيجتها علـى كـل حسـاب
تعـم ضيفـان الحفـل والمقيمـيـن=الكل وافي وان قسم قسمـه نصـاب
قوم الفتات بحفـل عبـدالله حسيـن=كـلٍ شمـر يمنـاه شـبٍ وشيـاب
تستاهـل التقديـر ياابـن الكريميـن=لانك كضمت الغيض واعتقت الارقاب
دامك صبرت وقلت يـارب يامعيـن=اجرك كفلـه المعتلـي رب الاربـاب
ترفع لك البيضاء على كفوف الايدين=وتوضع علامتها على كـل مرقـاب
من يفعل المعـروف يبشـر بثنتيـن=اجرٍ من الخالـق وتقديـر الاجنـاب
والطيـب والعرفـان هـذي قوانيـن=توارثوها الخلق من حضر واعـراب
الله يسـكـن ميـتـك دار علـيـن=ينعم بها في وسط جنـات واعنـاب
ردو مـعـي ياخـوانـي امـيــن=دعوه بظهر الغيـب ياعلهـا تجـاب
ربعي حويطاتٍ على الراس والعيـن=ومن لايقدر لابتـه مالـه اصحـاب
في مقدمتهـم عـون يتكـي بكتفيـن=ويشيل حملٍ كنـه جبـال وهضـاب
ماعاتبـت يسـراه ماتعطـي يميـن=يعلم بان الرزق مـن عنـد وهـاب
كم طلبةٍ صعبه قلـب عسرهـا ليـن=الله عطـاه يكـون فكـاك الانشـاب
وقـت اللـوازم اول عبادهـا يبيـن=يانجـم ساطـع ماتغيـر ولاغــاب
من شان ربعه يجبر الصعبـه تليـن=ويقدم لها لوهـي كبيـره ولايهـاب
واثني على الجازي وهو بديرة حسين=من ظن فيه بطيـب الظـن ماخـاب
شيخاً على كسب المراجل من سنيـن=ايام ماكانـوا علـى خيـل وركـاب
واذكـر ابوتايـه حفيـد الشجيعيـن=هذا سلالـة شيـخ فـارس وحـراب
عوده ابـو تايـه ضديـد المعاديـن=مخلد اسمه بالشجاعـه علـى كتـاب
والى ذكرنا حـرب والنعـم نعميـن=اهـل الوفـا والمعرفـه والترحـاب
قومٍ كرمهـا حاتمـي مالـي العيـن=والسمن فوق مفطح الحيـل صبـاب
والشيخ طـه مـن رجـالٍ حكيميـن=شيـخ لعلـوم الطايلـه دوم كسـاب
ومنهم طويلع زيـد زبـن الدخيليـن=ياما بذل في مااستطاعه من اسبـاب
وكل القبايـل عندهـا نخـوه وديـن=كـلٍ كسـاه الله مـن العـز جلبـاب
واختـم بعـذري للرجـال الفهيميـن=عن الاطالـه والتوسـع والاسهـاب
وصلاة ربي عـد غـرس البساتيـن=على النبي الهاشمي خيـر الانسـاب [/poem]