(اللي من اول يحسبونه مع الطرش)

(اللي من اول يحسبونه مع الطرش)

دنيا وفيها القرش يحكم بها القــــــرش**يالله تنجـي مثلنـا من خطرهـــــــا

شابت عوارضنا من الكد والكـــــرش**قامت تنسفنــا هبايــب بحرهـــــــا

لوتشتكي على اهل الوظايف غدواطرش**عيونهم تقصر ويقصر نظرهـا

وان جا كثير المال قاموا تقل خـــرش**والكل منهم يستعــط من زفرهــــا

وان جا مواطن كشروا كنه الهــــرش**عند العشاير قبل صفت وبرهــــا

واشوف موتى تنفض الريش والبــرش**خلت مقابرها وخلت كفنهـــــــــا

اللي من اول يحسبونه مع الطــــــرش**اليوم يمشي في مقدم ضعنهـــــا

مشواعلى درب الدنس مشيهم عــــرش**اليوم عقب الرخص زود ثمنهــا

عاشواعلى اسلوبٍ به الكرش والمـرش**مثل الكلاب الضايعه في زمنها

((فرج بن محيسن))

ابن عياد

تسلم وصح لسان الشاعر والله يا ابن عياد هذا الزمن غريب
والابيات تحكى لنا الواقع

كل الشكر لك اخي بن عياد على انزال القصيدة لك تحياتي

مشكور على نقل هذه الرائعة

وصح لسان أبن محيسن

الله يكفيك شرهم