قتيل الحب العذري "مسلم "

قصة الوليعي (( مسلم ))

قتيل الحب العذري


القصة هذي والقصيدة لواحدن من قبيلة جهينة العريقة
تدور أحداث ها القصة في الزمن الماضي يعني هه حول 200 سنة هذا واحد من ابناء الباديه من قبيلة جهينة حول جبل رضوى شمال ينبع كان عمره 10 سنين واسمه مسلم ولقب بعد القصه اللي صارت عليه بلقب
(( الوليعي مسلم)) لتولعه بمحبوبته .
وقصته انه كان يتيم وصغير بعمره وكانو ربعه باديه يربعون لين يوصلون الشفا بين تيما وحايل بوقت الربيع ثم
يرجعون لدياره وقدر الله بما انه يتيم انه يشتغل راعي
عند اقبيلة عنزه المجاوره لقبيلته وكانت تسرح معه بالبل بنت الرجال الي يشتغل عنده " معزبه " واسمها ظبيه وكانت اصغر منه بسنتين
وكانوا اطفال
وكان يحب ظبيه وكل ما كبر يكبر حبها له لين غدو بعز شبابهم لكن مايدري ظبيه تحبه والا لا فقرر انه
يسأل عجوز عنها قالت له انا مالك عندي علاج بس لك عندي خطه
والخطه هي انك تسوي نفسك مقروووص واللي يخاف عليك هو اللي يبي يمص الدم عنك
وفعلا جا وسط البيوت وقام يصارخ ويسوي نفسه مقرووص وصاحو العرب يامن يمص له الدم ومع الصراخ تسللت

ظبيه مسرعه يوم شافت انه مسلم نقزت على ابهام رجله

وقامت تمص الدم فعرف انها تحبه

وراح للبل ولحقته ظبيه وكلمها بأمر الزواج وحبه لها سمعت اخت ظبيه الكلام وفزعت لابوها وقالت له ووصل الخبر

لعيال عمها فتوعدوه رجعت ظبيه وحست انهم دروا عنهم

رجعت لمسلم وقالت له اركب الذلول الفلاني وارجع لاهلك وحطت بخف الذلول ابره عشان يسرع

جو عيال عم ظبيه راكبين على الجيش ويحدون ويقولون :
مسلم لو مسكناه قطعنا كف يمناه

ركب على الذلول وراح لديرته برضوى ويوم وصل هناك كان له اخ من امه اسمه سويلم وكان هو اللي يداريه
ويعطف عليه .
لكن مسلم تغيرت حالته ولا يتكلم ولا ياكل حاولو بشتى الوسائل انه يتكلم بس ما تكلم وجلس مريض فتره طويله
واخوه احتار بحالته وقرر انه يوديه لكاهنه عندهم قالت له

طلعه ضلع رضوى فووووق ان كان عنده علم يبي يقوله لك وان كان شاعر يبي يقول قصيده

وفعلا طلع اخو الوليعي رضوى واخذ معه مسلم وكان الوقت ربيع والجبل فوق سهل وله هويه كبيره اللي يطلع له

يمد نظره على مسافه بعيده ويوم طلعو فوق قام سويلم وشب النار

وسوا القهوه وللآن مسلم ما يتكلم وقال سويلم لمسلم انا ابروح اتقنص وانت خلك هنيا يبي عشان يبعد عنه ويسمعه

يمكن يقول شي وراح عنه

قام مسلم من مكانه وجا على راااس الهويه وجلس يخايل بعيونه فوق وتحت ومد نظره جهة ديار ظبيه وكأنه يشوف الطلحه اللي كانو ينامون عندها ويتخيل ظبيه وايامها معه

وتكلم بس تكلم بقصيده والقصيده على طرق الهلاليين يقول بقصيدته :





يقول الوليعي والوليعـي مسلّـم
,,,,, من دامت ايـام الصبـا لـه دام

لو إن عجـات الصبـا يجبرنـه
,,,,,, كما يجبر الجابـر كسيـر عظـام

ايام الصبا مثل الربيع الا زما
,,,,, ويا حسرتي ماللربيع دوام

قاري قراني يوم قرصت بهامـي
,,,,, غروٍصغيـر مـا عليـه لـثـام

قراني وهو يسفح من الدمع ناظره
,,,,, ليتـه قرانـي والعيـون نـيـام

رقيت في رضوى ورضوى منيفه
,,,,, وأخيل في عيني جنـوب وشـام

أخيل في عينـي طلحـة ناعميـة
,,,,, سـلام يـادار الحبيـب ســلام

يامرتـع للنـوق تـوي لقيـتـه
,,,,, في خشم و(علة) من يميـن ردام

ياليتنـي يـوم دنتنـي منيـتـي
,,,,, بديار (ظبية) عـن ديـار تهـام

أنا جيتكم من راس رضوى عشيّة
,,,,, كما شن غـربٍ بـاد منـه وذام



وهذا البيت الاخير قاله يوم نوى يرمي روحه من الجبل
حس اخوه انه يبي يرمي روحه من الجبل وركض عليه فعلا بس مالحق الا على عباته واخذها ونزل تحت لقى
مسلم ميت وراسه ما بقى منه الا جدايله وحزن عليه حزن شديد واخذ جدايله وحطها على
قربة معه وركب الجمل اللي جا فيه مسلم من الديره اللي هو كان فيها وقال لازم اروح للمره اللي تسببت عليه واشوفها
وفعلا راح يم ديرتهم وهو يعرفهم وسوا نفسه يدور له جمل وينشدالناس جت ظبيه من بين الناس له مسرعه قالت له

اسألك بالله راع القرون هذي وينه
قالها راعي الجدايل هذي جا مريض وما يتكلم وطلعناه راس رضوى وقال لها القصيده فما كان منها الا انها

شهقت وماتت

رجع سويلم اخو مسلم لديرته وكان متأثر بقصة الهوى هذي فتهيض ببيتين يقول فيها :

والله ما لوم الوليعـي ولـو طـااح
,,,, من راس رضوى والعوض به عباته

مير اذهنوني عند هبـات الاريـااح
,,,,, لا ذب عمري ثـم اسـوي سواتـه



عاد اسمعو الله يعينكم ما يوستفادو من القوصه1
1 انتبه تسوي نفسك نايم وقدامك غزال وبعدين ياكلك
عوووووووووووووووووو
2 شغل تحجير بنات العم عاده جاهليه ما انزل الله بها من سلطان
3 اذا صار صدرك ضايق وقافله معك ابتعد عن الاماكن الخطره والادوات الحاده
4 اذا الله فاكك من الحب لا تحرث عن مذبحك الحب عذاب : -


وسلامتكم ان شالله عجبتكم القوصه
خوذو

والله انو ذكي شكلي بسوي مثله مقروصه

والله لو اسوي مثله محد درا عني ههههههههههه

ياحلو القصص اللي كذااااااا

يعطيك الف عافيه على القصه الحلوووووه مرررره

قصة حلوووه بس إنها تحزن يعني لو فك نفسه من هالرميه كان احسن له

وهي كمان على طول شهقت وماتت <كأني أشوف فيلم>

بس بصراحه عجبني الأسلوب والألفاظ اللي انكتبت بها القصة

أول مرة أقرأ قصة مكتوبة بلهجتنااا لها طعم ثاني غير لما تسمعها من أحد



يسلمووو أخوي ع القصة


عطرالشوووق

والله ما لوم الوليعـي ولـو طـااح
,,,, من راس رضوى والعوض به عباته

مير اذهنوني عند هبـات الاريـااح
,,,,, لا ذب عمري ثـم اسـوي سواتـه

قصه حلوه بقدر ماهي مؤلمه

يعطيك العافيه عالتميز بالنقل

دمت بود

قصة جميلة من قصص الحب العذري
و قد أتت من زمن الطهر و الصفاء
و لم تتلوث بمجريات عصرنا
شكرا للروعة اخي الدحمي


وأول ما قاد المـودّة بينـنـا
.............................. بوادي بغيضٍ يا بثين سِبابُ
وقلت لها قولاً فجاءت بمثله
................................. لكل كـلامٍ يا بثيـن جوابُ

قصه رائع وممتعة

مشكو أخي الدحمي

حاضر فتاة