[CENTER][COLOR="RoyalBlue"][
B] الابل لها وقع حسي في القلب ومن هنا ساروي لكم حادثة هذ القصيده
كانت لنا بكره اسمها سلوى ابوها حمران صافي خمس في خمس ماتت ام البكره
وهي حاشي صغيره فودعناها مع رجال راعي بعارين وبعد مده دز لنا مرسال يقول
الحاشي ماتمرح كل ليلها حنين فذهبنا لها وفي الطريق قال الشاعر هذه القصيده[/[/
COLOR]CENTER]
الزعيمه
سجي اعيوني ما تحني وانا عيد
مايلحقك جور وانا اشم ذعذاع
لين امحلت جيتك سحاب ومراعيد
اجيك عزّ وشرهتي فيك مرباع
اجيك جم مايمل المواريد
واجيك ذيب لفرزة الليل قطاع
اجيك بسمه في صباح التناكيد
واجيك فرحة لوكثير الونس ضاع
لعيون سلوى نربط البيد بالبيد
لعيون سلوى نجمع الروض والقاع
نصبح لها مصباح فيه الحيا غيد
ونلقى لها في منبت القفر مرتاع
خشم الزعيمة كم تنشق مواعيد
تمشى بسهلها وان ضوى الليل بتلاع
ياالمنزل اللي تو نزله مجاديد
يطرب له اللي للبعيدات طلاع
لاسج خطوه ينتحي لادلع الجيد
اشقر على مااريد وعيونه وساع
سجي دلالك لانزع ينزع القيد
تل الغلا فوق الغلا وسط الاضلاع
سجي دلالك للعيون المساعيد
تسعد وغيرك عن الاشواق يلتاع
سجي عيوني ما تحني وانا عيد
ان جيت مركب للسفر جيتك شراع
[/B]
الشاعر عيد سعد الحويطي
سجي اعيونك ما تحني وانا عيد
العرض العادي
