كيفكم احبائي الاعضاء
ابيات اتمنى تروق لكم
من قبل لا تكتب وتشطب في طلوع وفي نزول
أحيان في قمة جبل وأحيان في بطن المسيل
أبسألك ياصاحبـي يمكـن تسميهـا فضـول
الشعر وش يعني خلاف الحزن والوزن الجميل ؟
وبسألك ليـه الحيـاه اللـي نقدسهـا تـزول
واللـي نحبـه دون ماسبـه تزفـه للرحيـل
وبسألك؟ وبسألـك؟ وبسألـك؟ ماأبغـى حلـول
ودي تحط إيديك فوق الجرح وتـداوي عليـل
كم من وجيه إتمرنا وأنته وأنـا يمكـن نقـول
هذا مثـل هذا..وهـذا غيـر هـذا مستحيـل
وكم من حروف إنمرها ونذرها تنبت حقـول
كريمه حروف القصايد كل ما أتهجـى بخيـل
سافر على أعماقي تلاقي سحر تهذيب العقـول
يالشاعر اللي مالقى في ظـل تفكيـره مقيـل
والشعر(وحي النفس)والشاعر لما دونه رسول
مداين أحلامه براد وغصن زيتـون وهديـل
أما الحياه اللي بها عمرك يطـول ولا يطـول
من حلوها في مرها وتمرهـا عابـر سبيـل
الشعر وش يعني خلاف الحزن والوزن الجميل ؟
العرض العادي
