ياقبر بلـغ شايـبٍ فيـك مدفـون

[poem=font="Arial,6,black,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
ياقبر بلـغ شايـبٍ فيـك مدفـون=إن الحـزن يأمـر عليّـه وينهـآ
غديت عبدٍ للحـزن دوم مرهـون =وافراح عمري شفت قفى ضعنهـا
والهم بيـح داخلـي كـل مكنـون=والنفس عافت شامها مـع يمنهـا
صارت مقر الحزن للحزن مخزون=وماضاع من حـزن الاوادم زبنهـا
وقله تراني من قسى الوقت مغبون=اسقتنـي الدنيـا حمايـض لبنهـا
ماعاد اميز بين صاحي ومجنـون=ولا عاد انا اعرف سيها من حسنها
لاكن اعرف انه حكم خالق الكـون=والنفـس قنعانـه بسـر وعلنهـا
وياقبـر قلـه حافـظٍ ماتوصـون =وصيتـك يابـوي عقلـي سكنهـا
لو الضحيه تاصـل لحـد مليـون=والله لا ضحيلك لو اشحـذ ثمنهـا
لوارهن البزران واعيـش مديـون =وصيتـك يابـوي ماصـد عنهـا
ماهوب لجل المدح لو قيل دنـدون=لو قالـوا ان المرجلـه يحتضنهـا
ولاهوب لجل اللي مقفى ومـوزون=لادق هاجسهـا شلعـنـا لحنـهـا
الا من اجل ليا بكى كـل محـزون=والدمع راق وبعض الانفس شحنها
ابغى جزاها يـوم الامـه يموتـون=والنفس تصعد والجسد في كفنهـا[/poem]

[align=center]مما رآق لي ووقع على جرحي[/align]