ساعة .. وثلث .. في .. الجو .. قلق - الشبكة العامة لقبائل الحويطات

03-05-09, 10:33 AM

من يوم مادخلت لصالة المسافرين يوم الخميس كانت سفرة جميله الى جده لكن كان يوم السفر يوم من جد يبيله موضوع خاص ,,,

دخلت وكلي ثقة وفاتح فمي على أخرة <<== فرحان بيروح بطيارة العاده على بعارين ... المهم دخلت لصالة المسافرين والا زحمه ولقيت كرسي على طرف فاضي وجالسه جنبي بنت صغيرة .. قلت مكان حلو بنوته صغيرة ماتضر بجلس جنبها ...

جلست جنبها بكل فرح وتشقق على اخر مستوياته ,, مادريت الا البنت صغيرة اللي جنبي تحط يدها على شماغي ... قلت ياحليلها عجبها اللون الأحمر <<== يعطي نفسه نوع من الأناقه ....طالعتها بطرف عين وأبتسمت ... ردت لي الأبتسامه لكن ماأكتفت بذلك .. قامت بكل رقه الطفوله بسحب الشماغ ... طاح العقال ... الطاقيه صارت عند حواجبي ... بغيت أبكي ... قسم بالله موقف يصدع الواحد من يشوفه ... صالة المسافرين كلهم يطالعون فيني واللي كان يتكلم سكت ... ماتتخيلون هدووووء وقتها ... انا وجهي صار أحمر فاتح ( دم غزال ).. البنت نزلت من الكرسي وقعدت تلعب وتضحك علي .... بغيت أهفها بالكرسي اللي جالس فيه

الا امها وأختها اللي مسافرين معها بس امسكوا البنت وهاوشوها ( قلت في خاطري قسم بالله لو عندي هالبنت بالبيت لا أعلقها من رقبتها )..

بعد مرور عشرين دقيقه باقي الساعه الأخيرة ..

نادونا عشان ندخل الطيارة .. قلت الحمدلله بروح الطياره .. مريت من جنب البنت وابتسمت ( ابتسامة واحد متفشل ) البنت تأشر علي تقول بابا قلت بصوت عالي وجع .. أم البنوته طالعتني وانا استحيت وكملت

ركبنا الطيارة ,,, وكانت الفرحه أقل من فرحتي بدخول صالة المسافرين بأقل شوي ,,, المهم انا أمشي بالطيارة وقالتلي المضيفه ( نعنبوهم وش زين مضيفينهم شقر ) قامت اشرتلي المضيفه للكرسي اللي بجلس فيه .. المهم امشي امشي امشي... الا الصدمه ,,, قسم بالله البنت هي هي نفسها الصغيرة تجلس بالكرسي قدامي

قلت حسبي الله ونعم الوكيل ليكون أمي داعيه علي ولا حاجه ... ولا انا متسلف من حد فلوس ومارجعتها ,,, لا والفرحه اللي كنت فرحان فيها بركوبي بالطيارة راحت تمنيت عندي بعير اسافر فيه ابرك من هالسفرة اللي ماتقزر علي ,,,

جلست بكل ثقه ووجهي سامته للأمام ,, واللي جالس جنبي شاب أسمر لابس كرفته من شرق اسيا .. أتوقع هندي .. المهم قبل لا تطير الطياره قلت ابتصل على العيال ابسمعهم صوت الطياره وهي تطير ابغى اقهرهم ... وأتصل على خالد صديقي .. قال وينك مباراة السعوديه وسنغافوره .. يارجال انا الأن بطيارة قالي وش تسوي ليكون موظفينك بنشري طيارات ....

قلت ياخبل انا مسافر ... قال خالد .. الله يرجك اجل ليه ماخذت معك كاميرا تصور وانت جالس بكراسيهم وتصور مع المضيفات ( مايدري ان معي جوال ابو كاميرا وصورت حتى أرضيات الطيارة )... قالي ليكون جنبك بنت مزيونة..قلت لا والله جنبي واحد سامت وجهه لابس كرفته ( اللي جنبي هندي مايفهم عادي ) قال وهذا الهندي يركب طياره ليه .. قلت هالحين الهنود عندهم فلوس اكثر مننا هههههه ... قال اجل انتظرني أبطلع بالسطح أبي أأشرلك لمن تمرون من بيتنا... قلت ياخبل انا بحط اللي يسكر العيون وبنام نفسهم ... قال مستانس انت بالطياره .. قلت والله وناسه بس لو يفكوني من هالهندي اللي جنبي اللي سامت وجهه مع هالكرفته اللي لابسها ابرك ( وانا أطول صوتي عمد لأن الهندي مايسمع وأبغى أسمع المضيفات اني خفيف دم )....

المهم جات المضيفه الشقرا لمي .. قالت ازا بتريد ممكن تطفي موبايلك لأنو التيارة بدها أتير ومابينفع هيك ,,, قلت نعنبوك لو تبين اطفي الهندي اللي جنبي طفيته مهوب بس الموبايل ,, قالت ها ها طيب ليه بتحكي هيك ... قلت حنا كذا نشوف هالشقر نفهي قالت ايش ... قلت انقلعي تراي تولعت بأنفاسك ,,, وراحت

شوي الا البنوته الصغيرة ناطة لي من الكرسي اللي قدام ... قلت حي على الفلااااااااااااااااااااح .... قالت بابا ... قلت وجع وش تبين .. وتأشرلي بمناديل الطيارة ... قلت نعبوك اذلفي تكفين <<== قام يخاف من الورعان ....وين ايام زمان نمشي في الحارة والمبزرة يتخششون ... قويه والله

المهم جلست تحرك يدها فوق وتحت ..قاعده تخوفني وتهددني بنزع الشماغ ..وانا جالس أحتري اول ظربه ,,, جلست على هالسالفه عشرين الى نص ساعه وهي تحرك يدها فوق راسي تخوفني ...يوم تطق جنوني قلت اللي فيها فيها واكلم امها جنبها قلت لو سمحتي امسكي بنتك أزعجتنا ماصارت كذا ....طالعتني امها قالت انت هنا ,,, قلت اي الظاهر خويي حسدني وماراح اتهنى بسفرتي ... قالت طيب بربط حزامها ... قامت ربطت حزام البنت لكن جلست تصيح وتصيح البنت .....قلت لها عطيها حلاو يمكن تسكت ... قامت عطتها علوك ... البنت تاكل بهالعلك وتاكل وتاكل ... لين ما صار يابس كنه راس خالد .... وبكل هدوء أفتحت الحزام ..وركبت فوق الكرسي وتوجهت خلفه وجلست تناظرني ...وانا اقول بشويش ( الله يستر .. اللهم أجرني بمصيبتي يارب العالمين ... اللهم ابعدنا من كيد الظالمين ..) ابتسمت البنوته أبتسامه خبث ... وأخرجت العلك من فمها الصغير ... ونظرت للعلكه ونظرت لي .. وانا أنظر لها وحواجبي نازله على عيوني وكأني اتوسل لها انها ماترميها ... قامت ارفعت العلك عند عيونها و جلست تصوب وتحدد مكان الحذفه ...

وهووووووووووووووووووب بحضني قسم بالله كرهت السفره ... أخذت كلنكس من الهندي اللي جنبي ونظفت نفسي ... الا الهندي يبتسم ... قلت له بصوت خفيف وانا متأكد انه سمع قلت والله انك ماتدري وش الطبخه ليتني هندي ولا يمر بي هالموقف ...

فكانت مغامرة مع البنت لاتوصف ....

المهم في الأخير وقدنا بنوصل للمطار سألت اللي لابس كرفته وسامت وجهه وشكله اسمر داكن تقول صومالي متجنس هندي... قلت " لو سمحت في انته ساعه .. انا يبي يعرف متى يوصل مطار جده.." قالي " والله طال عمرك باقي ابو عشر دقايق ... طلع اللي جنبي سعودي وانا من الصبح لاعن ابو اللي جابه تحطيم

لالالالالالالالالا هذاك اليوم مو طبيعي بجد

وصلنا على خير وانا كنت مار جنب الكرسي اللي جنب البنت الصغيرة و فسلمت عليها كنوع من الذكرى البشعه ويوم صافحتها حسيت بشي طري بين اصابعي ...يوم شفت يدي الا من بقايا الشوكولاته ....

كملت طريقي للخروج الا الشقرا المضيفه تقول الحمدلله على السلامه ان شالله استمتعتم معنا
... قلت أنقلعي

ودمتم سالمين 00

عضوو موقوف · 03-05-09, 10:45 AM

ههههههههههههههههههههههههههههه

ياحرام وربي في احد حاسدك مايبيك ترووح ههههههههههههه

ياحليلها البنيه زين سوت فيك ههههههه

ربي يحفظها يارب العاليمن

يسلموو خيووو

عضوو موقوف · 03-05-09, 10:51 AM

ههههههههههههه

يــٍأخي نكبــٍه هههههههههههههه

اؤمــٍأ البنت شـٍي ثاني > وانت كماان مسسوي فيهــٍا لابس كرفته ومكششخ هإأهـ

من ورأإأنـٍأ هههههه

الله يسسعدك على الموضوع الجميل

عضوو موقوف · 03-05-09, 11:10 AM

اقتباس:

المشاركة الأصلية كتبت بواسطة دلــع بـــدويــــ D ــــه

ههههههههههههههههههههههههههههه

ياحرام وربي في احد حاسدك مايبيك ترووح ههههههههههههه

ياحليلها البنيه زين سوت فيك ههههههه

ربي يحفظها يارب العاليمن

يسلموو خيووو

ياحليلها هااه ... يالله يارب تجيك وحده ومثلها عشان تعرفي ان الله حق

شوووكرن على مرورك وتسلمي ...

تحياتي لك ,,

عضوو موقوف · 03-05-09, 11:12 AM

اقتباس:

المشاركة الأصلية كتبت بواسطة @عبود مطلق@

ههههههههههههه

يــٍأخي نكبــٍه هههههههههههههه

اؤمــٍأ البنت شـٍي ثاني > وانت كماان مسسوي فيهــٍا لابس كرفته ومكششخ هإأهـ

من ورأإأنـٍأ هههههه

الله يسسعدك على الموضوع الجميل

الله يقطعها من كشخه ... ماتهنينا فيها

الله يسلمك ويسعدك اخوي ...

تحياتي ,,

عضوو موقوف · 03-05-09, 11:17 AM

ههههههههههههههه
انت ساعتين
بلاك الي 16 ساعه بالجو والمصيبة مع كابتن سو بنا فيلم اكشن فالسماء
لو ودي اكتب هذيك الرحله يبي لي صفحات
المهم اذا سمعت الكابتن "عمر" تراه جداوي
خذها من قاصرها ولا تركب الطائرة .........
اسئل مجرب وانا اخوووووووك

تقبل مروري

عضوو موقوف · 03-05-09, 11:50 AM

اقتباس:

المشاركة الأصلية كتبت بواسطة عويض الموسي

ههههههههههههههه
انت ساعتين
بلاك الي 16 ساعه بالجو والمصيبة مع كابتن سو بنا فيلم اكشن فالسماء
لو ودي اكتب هذيك الرحله يبي لي صفحات
المهم اذا سمعت الكابتن "عمر" تراه جداوي
خذها من قاصرها ولا تركب الطائرة .........
اسئل مجرب وانا اخوووووووك

تقبل مروري

هههههههه الله يكون بعونك ياخوي .. اكتب الرحله خلنا نشوف مغامراتك انت والكابتن

شووكرن على مرورك ..

وتحياتي لك ,,

عضوو موقوف · 03-05-09, 01:27 PM

مشكور ولد النعمه على قصتك في المطار
بس

..............

خلاص ولا شي

ويعطيك الــــــــــــــــــــــف عافيه

وعويض اكتب لنا قصتك.....

عضوو موقوف · 03-05-09, 02:25 PM

اقتباس:

المشاركة الأصلية كتبت بواسطة مشعل الغنامي

مشكور ولد النعمه على قصتك في المطار
بس

..............

خلاص ولا شي

ويعطيك الــــــــــــــــــــــف عافيه

وعويض اكتب لنا قصتك.....

الله يسلمك ياشعوول .. بس ولد النعمه كذا حاااف مايصيرر قول عمي عموو اي حاااجه

الله يعافيك ويخليك

تحياتي لك ,,

عضوو موقوف · 03-05-09, 02:49 PM

ههههه زين البنت ماسوت فيك

عضوو موقوف · 03-05-09, 03:41 PM

هههااااااااااااااااااااااي والله انك منحوس هذا وانت اول مره تركب الطياره
اقول لو انا منك اشلح الجزمه وانتو الكرامه وع راس البنيه
يله تعيش ووتاكل غيرها
خخخخخخخخخخخخخخ

عضوو موقوف · 03-05-09, 03:42 PM

بصراحة موقف ياليت من جد يصيرلك

عضوو موقوف · 03-05-09, 05:34 PM

اقتباس:

المشاركة الأصلية كتبت بواسطة ولـد النــعـمـة

الله يسلمك ياشعوول .. بس ولد النعمه كذا حاااف مايصيرر قول عمي عموو اي حاااجه

الله يعافيك ويخليك

تحياتي لك ,,

من عيوني يا عموو

بس انا قلت ما ابغى اكبرك ولا شي

خخخخخخخخخخ

عضوو موقوف · 04-05-09, 08:26 AM

ولد عز .. استشاري .. اعظم حويطيه .. شووكرن على مروركم ..

وياجعل تجيكم بنت مثل كذا ...

تحياتي لكم جمييييع ,, ودمتم سالمين ..

عضوو موقوف · 04-05-09, 09:00 AM

الله يعينك على الموقف بس تبي مايسير لك شي سافر مع البابا والماما احسنلك
هههههههههههههههههههه
تحياتي لك على الموضوع

عضوو موقوف · 04-05-09, 07:40 PM

اقتباس:

المشاركة الأصلية كتبت بواسطة لغز الحياة

الله يعينك على الموقف بس تبي مايسير لك شي سافر مع البابا والماما احسنلك
هههههههههههههههههههه
تحياتي لك على الموضوع

شكرا اخوي على مرورك .. انشاءالله المره الجايه اسافر مع دادي ومامي

تحياتي لك ..

عضوو موقوف · 05-05-09, 09:22 AM

هههههههههه
والله يومك كان منحووووس
ويحليلها البنيه وإن شاء الله تقابل مثلها كثير ههههههههـ
اما السعودي شكلها مقدر وضعك وماتهاوش معك وانت من اول الطريق تسب فيه ههـ

عضوو موقوف · 05-05-09, 03:03 PM

هههههههههههههه وأعتقد من البهدله هذي كلها ياولد النعمه إنك راح تتوب توبه ماتجلس جنب أطفال ..

عضوو موقوف · 05-05-09, 08:26 PM

شكرا لكم اخواني الشمالي .. وحنايا الرووح .. الله يسعدكم ...

تحياتي لكم جميع ,,

الذين يشاهدون محتوى الموضوع الآن : 1 ( الأعضاء 0 والزوار 1)