السلام عليكم ورحمة الله وبركاته
الى نديم الشمال
ابغاك هلحين تقر و تعترف وش سويت في الطيارة اثناء الرحلة من جدة للرياض ؟
العلوم وصلت
و اذا ما علمت تراني بعلم و عساك ما انت علم
انا من يوم شفتك لبست الثوب الرمادي و الغترة ام خط رمادي و علقت اللابتوب على كتفك
و النظارة ام قزاز ابيض و اسود
عرفت ان المصيبة حاصلة حاصلة
المهم يا ابو هيثم انتبه للرجال و لا تخليه يدوج في الاسواق
تراه اقرب للفتنة
و قلبه تلعب فيه الهبايب
و عودناه عادة طيبة و صار يضرب 9 وجبات في اليوم ههههههههه
و ابشرك طالعة له كرش و رفرف وش زينهن
و انت عارف البدوي الا شبع وش يسوي ؟ ههههههههههه
المهم الله يرده لحزرم سالم غانم
انا خايف تخرب علومه و يتعود على كنتاكي و هارديز
و ينسى سواة اللبة و المجللة
و احرص عليه و انا اخوك من الهيئة
تراهم يشتبهوا فيه من يوم يشوفوا اللابتوب معلق عى كتفه
و من يشوفوا لبسته الغترة الي بدون مزراب
و ان صار عليه شي
وش يفكك يا ابو هيثم من دعاوي العجز يوم يقلبن ايديهن للسما
ترى الرجال له شعبية عندهن
انا علمتك و انت حر
واأسفاه يا نديم الشمال
العرض الشجري