ساقية عطر

[frame="11 98"]تصدق حديثك انبت الورد جواي
و سيّل على عروق الغلا ساقية عطر
حنون صوتك لا ندهني من اقصاي
تعشب معاليقي / و يهديني الصبر
في وحدتي رتبّت روحي / ابـ منفاي
وحاولت : انفّض عن مواعيدي الهجر
وشبّبّت في عودٍ قصب كل مَغْناي
لقيتني : سيره بها / تمـرٍ وجمر
قلت: آتمنى وازرع التوت بشفاي
ع منهج اللي عوّضوا بحلمهم فقـر
لاصرت عطش وتحلم بشربة الماي
اجلس : تخيل لك سما تمطرك مطر
لو الأمل : بعثر اريجه بـ دنياي
ما اظن فـ الممكن / تفاريحٍ أو بشر
خلني اغني لين : مـَ اكسـر الناي
امّا اطرب العشاق / ولا انحفظ شطر
يمكن بعد موتي / يقصّوا حكاياي
أو انقري : في دفتر الوقت في سطر
وقّف مرورك مـَ اشبع الجوع بحشاي
اخبز لي الحنطه عسـى / يأكل الصـدر
وينك؟ غيابك / اذبل الورد / جواي
وماعاد تسري بـ الحشا ساقية عطر[/frame]


الشاعرة / قسمة العمراني