قصيدة ''لشاعرعبدالهادي قاسم الحويطي

ياهلايامالكه كل الغلا والحب ويا الاحترام
ياهلابك مرحبا بك ياهلابك كل حين
لي خفوق من غلاك يذوب من حب وهيام
امريني خادملك بس انتي تآمرين
انتي اللي لارضيتي ماعلي من الانام
البشر تزعل جميعه بس مابغى تزعلين
لو بكت عين الجزيره وعين دجله وعين شام
يمكن احزن بس عينك لابكت ابكي وانين
كيف لاوانتي رضاكي من رضا
عالي المقام
ان رضا رب البريه من رضاة الوالدين
جنة الخلد العزيزه تحت رجلك والقدام
وش انا مع جنة الله لو اقبلهن سنين
من تخلقت بحشاكي تبغي لعمري الدوام
همك أني اعيش وآبقي من واناتوي جنين
تسعة اشهر تحملني وسط بطنك باالتمام
ولا لفيت ابتحمليني وفوق ذلك ترضعين
تسهرين الليل كله بس ارتاح وانام
ولادبيت ولاقعدت ولامشيت بتفرحين
ولابدت سن الدراسه كنت لك اجمل وسام
فرحتك حين اتفوق كنك انتي تدرسين
ولاتسلمت الشهاده كل صف وكل عام
تفرشين الارض ورد وكل حلو اتوزعين
ودمعة الفرحه بعينك سابقه كل الكلام
والزغاريد امخنوقه رغم هذا تزغرتين
وكل تجعيد الجبين اللي دفن خط الوشام
من فرح قلبك تلاشى واعتق الوشم الدفين
ويكبر الطفل المدلل في رعايه واهتمام
ان فرح يفرح خفوقك وان زعل تتأثرين
كل امرن في حياته صار عندك شي هام
بس انتي اهم عندي من حياتي والبنين
لواشيلك عالكتوف وطفت بك بيت الحرام
ولو احط الكف نعلك لابغيتي توقفين
ولوحرمت النفس لجلك من شراب ومن طعام
والهدف انه عشانك تاكلين وتشربين
ولو اتم اسهرليالي عند راسك بالدوام
والهدف لنك بغيتي حاجتن بس تطلبين
اعرف انه لوخدمتك ياالحنونه الف عام
ماوفيتك حق ليله يوم كنتي تسهرين
اطلب الله لي يديمك ياعسى عمرك يدام
ان بقيتي حظ طيب وان رحلتي حظ شين
خادمك قبل الختام يزف لك اجمل سلام
من صميم الخافق اللي دايم لحبك رهين
وبالنهايه مانقول الادعانا
بالختام
يارضا واحدوحيد ويارضاة
الوالدين
منقول
الشاعرعبدالهادي قاسم الحويطي