مِسير وتايه والمسافه تطول كثير
ولا جت ّ هالقمرى على هقوة الساري
قناديل ليلي تنطفي مع صباح الخير
صباح الطيور ونبعة ٍ مايها جاري
تعوّدت كل يوم ٍ جديد ٍ أشوفه غير
أكب التشائم واطلب الواحد الباري
نتفت الورود ومثل منتف جناح الطير
أحبه ؟ يحبني ؟ لين كمّلت مشواري
رعا الله قلب يدلّهونه على التصبير
تذوب الضلوع ولا سلا سيرة الطاري
تكدرت يا قلبي من اللوم والتقصير
عذاب السنين ولا مت اعذارك اعذاري
يشب الفراق دموع تشعل شموع الدير
وعلى دقت الناقوس دقيت مسماري
كذا ديدن العشاق يشبه حبال البير
فلا يروي السامي ولا جنسه الآري
إذا شفت زولك رف ّ قلبي وجاك يطير
وهذي بصراحه يالغضي كككككل أخباري
على هقوة الساري
العرض العادي
