يالله لا تجزي الرجال الشقيه
اللي يخلون الصغاير كباير
إوجيه قفر ٍ ما غشته السقيه
ما غير عج ّ ٍ دب الايام داير
انفوسهم لجل الخنا مرتقيه
حشي المراغه يقطعون الزراير
اقلوبهم للناس ما هي نقيه
كم فضعوا بهل الستر والسراير
مقباس فتنه يقسمون اللقيه
واخيولهم للشر دايم حراير
واسيوفهم للعيب والبندقيه
ثارت على راع الوفا والشعاير
واعلومهم تبعد عن المنطقيه
واقدامهم متدوس غير القصاير
العيب يخفونه بلبس الطقيه
والطيب يطفونه بروس المناير
على الضلال انفوسهم ملتقيه
وعلى الردى يستبشرون البشاير
اخفاف بالميزان خف الوقيه
اكلابة المقصب اتباع الجراير
ما تنمسك واطباعهم زئبيقه
ولا جا وراهم غير كسب الخساير
اليا اركبوا شدوا على المعلقيه
شبوا الفتن بين العرب والعشاير
وادلالهم من ظلمهم ديهقيه
اهل الهياط امخالفين المساير
اصدورهم لشرورهم مطبقيه
اهل العواجه مفنيين الذخاير
لا يحسبون ايامهم فزدقيه
لازم على الظالم تدور الدواير
يالله لا تجعل لهم من بقيه
ويالله عساهم في جهنم حساير
الرجال الشقية
العرض العادي
