عقب صرخات المحاني وعقب ضيقات الصدور
ما وسعني غير دمع ٍ قطّع اعروق الظما
لو يصلن راهبات الدير ما شفت السرور
بس يجيب الله مطرها كل ما الهاطل هما
كل ما شميت ثوبك مع قوارير العطور
اختنق دمع ٍ بعيني حرّك إوجيه الدما
عقب موتك مات قلبي وانكسر وجه الغرور
اقطف اورود التعازي واحضن كفوف السما
وانثر اكليل المواجع قبل آصل للقبور
كيف اضمك وانت قبري و آرد حياض الحما
برعم الغصن وتدلّى وفتّحت كل الزهور
والبراءه في مهب الريح ما أدري لما
ارسمك قطرة امل واترك لك الصفحه تبور
و أوئد الدمع المصّبر كل ما سيله طما
يمكن الدنيا توقف والعقارب ما تدور
والقيامه تبعث الارواح واتسيل الدِما
آه منّه طول بال الاسئله وصمت السطور
ما رميت الدمع الاقشر لكن الغايب رما
اقطع الظلمه وانا اطرد في بصيصك ضي نور
انطفت كل الكواكب وانفتح كهف العما
ان بعض الظن اثم وان بعض الغبن جور
يوم موتك كان موتي يالحبيبه يا سما
ارمي اقدامي وادوس الشوك من عزم الامور
يمكن اسلا واتناسى صدمتي لا سيما
جيت للدنيا بموسم طاف زرعي من دهور
يعجب الزرّاع سوقه وان بذرته ما نما
والنهايه مستحيله واكثر احلامي قشور
من تعاسه لا نكاده ومن مواجع لا ظما
اكليل المواجع
العرض العادي
