طالقه بـ 3

يا خاااااينه لا صار قلبك هواوي
قبل ٍ تخوني طالقه بال 3

لو تلبسين المشمشي والقطاوي
العين ملت من لباس الحداثه

مابي اعاتب بعد كثر الحكاوي
تطمني ما عاد تمش الخباثه

فضيت لك قلب ٍ من الحب خاوي
وقلطت حبك عالحيا والدماثه

ألحين صرت انسان ماله هقاوي؟
توك عرفتي ويش معنى الغثاثه؟

ما كان قلبك يا بنيه ظماوي؟
ما صرت لك اكبر محطة إغاثه؟

يا ما لعينك قمت اسج الخطاوي
وحرثت وجه الشعر لجلك حراثه

صحيح ما تسوين ربع العزاوي!
يا سم كاس الحب عند انبعاثه

ادري نسيتي ويش معنى غلاوي!
وادري تحبين الكذب والعلاثه

انتي اساس المشكله والبلاوي
وطبع الخيانه ابعايلتكم وراثه

من عادتي في الحب إنيّ امتساوي
ما يهمني حب ٍ أمل ّ اكتراثه

دامك نويتي افراق والقلب ناوي؟
بفارقك واطلّقك بالثلاثه 3 3 3