كرنفال اعيادي

حكامنا وشيوخنا العملاقه
واعلامنا والساريه الخفاقه

العاصمه عمان جنة ارضي
نور الوطن ونجومه الشعاقه

الله يديم العز عز بلادي
في ظل حكم ٍ صادق ٍ ميثاقه

حكم الشريف الهاشمي عبدالله
اللي تلاعج بالسما براقه

بيان صادر من فخامة شاعر
شبحه لإبعد من طويل اشهاقه

ابعد من عيون الجدي والشعرى
وكل واحد ٍ يقلط على شناقه

به كلمتين تجول في اعماقي
لا لي جمل فيها ولا لي ناقه

بس جيت ابينها وافض السيره
واثبت له المهزوم زيف اوراقه

ولا لي ورى الاجواد اية مقصد
دفع البلا من عالم ٍ خقاقه

جلمود قلبي مير خايف ربي
وكل واحد ٍ يشكي على خلاقه

عالقائمه يا فلان لا تكتبني
كم زول رجل ٍ ما عليه اشفاقه

عدو جد ولا يصفي النيه
اطلب من الله قلعته وافراقه

انا الى ما جيت جيت بشعري
والشعر له ناسه الذواقه

اقنده وسط الدلال بكيفي
واقلطه واتعب على ترياقه

يالجندي المجهول آنا جندي
روح الوطن عين الوطن واحداقه

يابو محمد وانت راع الفاطر
عمهوجةٍ مجدولة السمحاقه

مبرومة الفخذين بنت الوضحى
شد إبظهرها والزمن له عاقه

الانهزامي انهزامي مبدأ
يمشي على وجهين وجه إنفاقه

من لا ذرى للمرجله يفهقها
ما هو يدور للدهن بعتاقه

ومن لا دهل للنايفه يعقبها
لاماعليه من الجبل وعناقه

واللي يبي الطولات ما يسهجها
واللي يكرم ما يسد شقاقه

واللي يبي يهرج يجود علمه
ليغر من جربوعه ونطاقه

ترى الرجال الها ديود ٍ غرز
واللآش تقرى عينه السراقه

قالوا العرب شقوا الصميل وخله
واقولها وافتح عليك الطاقه

جيناك ببيوت الفخر تكحلها
عورتها بفكارك الذراقه

منتا كفو !! لا قلت أدبل كبدك
دبلتها ببروقي الصعاقه

تعال واجهني وجيب المدفع
باعلقك تعليقة العلاقه

واليا قلبت الحكم دور ثارك
لابد للشلفا يصير املاقا

انشد وتلقاني براس النايف
عيطا بها عقباني النعاقه

حذرا تدح بكرنفال اعيادي
لا شاش هالبرنو تعرف اطلاقه

90 شيطان ٍ يجول براسي
وقولون اعصابي وصلت اعماقه

اليا قنيت الحر فك الوكري
شل برقعه قبل ٍ تفك اسباقه

كثر التدوج ما يقدم حاجه
وحكيم نفسه ما يدوج ساقه

محدٍنزل عالارض جا متعلم
كلن كسب من دنيته مالاقه

والله اخرجنا وكنا نطفه
والله على خلقه يمد ارزاقه

والله يبعثنا لأخر نشأه
ويحيي رفات اعظامنا ودقاقه

وانتا تعاني من الجهاز الهضمي
ناقد حقد تلعب على العشاقه

يارب ثبتني وهد اعصابي
لقض العمر في قفقفا وسواقه

ودي اورث هالمراجل جيلي
بيت ٍ زهمته لا تشق ارواقه

وانتا إتعرف عناد راع الجردا
لا قال ينتف هاللحى البواقه

ان ما وصلت الغيم رافع خشمي
فعقبني الميدان يا سباقه