اضرب خماسي في خماسي
يا ويل بُعدك من يطيقه
جفّ الصبر والهم راسي
بين الحنايا يا رفيقه
صحيح لو اني سياسي
لسايسك رغم الدقيقه
ارتاح في وقت ٍ قياسي
متى بتطفين الحريقه
واصيرلك احساس ماسي
ومعاهداتي لك وثيقه
اشكلك في كل ناسي
واروي القلم وابلّ ريقه
يا سيّدة كل الحواسي
هو فيه غيرك يا رشيقه
حبك معي رغم المآسي
حب العروبه للموسيقه
حب السياده والكراسي
لملوكنا الشُمّ العريقه
بنثر شتاتي وانتكاسي
يا ازمة الحب العميقه
واستلهمك قبل التماسي
يا آنسه يحلا انيقه
كل الغلا يا طنخ راسي
يمشي على نفس الطريقه
انتي برودي مع حماسي
وانتي سعة صدري وضيقه
وانتي قمم كل الرواسي
وانتي وجه فجر الحقيقه
وانتي نخب اول اساسي
لاعب نجم داخل فريقه
وانتي قصيدي والاماسي
يا رايحة زهر الحديقه
يا سيّدة كل الحواسي
هو فيه غيرك يا رشيقه
يا سيدة كل الحواسي
العرض العادي
