يا مال حظ الشعر لا جاه محتال
ولى الشعر لا قيل من غير مقصود
يا عندليب الشعر خيّبت الآمال
عطني مواويلك ترى الحزن مرجود
ما تشوفني اتنفّس الليل واهتال
فراغ روحي وحزن الايام موجود
ذي سلة ٍ من مهملاتي على جال
وارواق اكمّشها من الهم يسعود
احيان اقول الوقت ماهوّب بطّال
واحيان اناقض جملة سهود ومهود
نفس المكان أبه الكئابه ولا زال
امشي , اسج , اروح , والعالم ارقود
وارجع جسد والروح في نشطة عقال
واعقد حبل افكار الآمال وتبود
خلك على وجه البسيطه يرجال
وش بشطحات ٍ بلا قيد وحدود
هذا الجواب اللي اقزر به الحال
ماعنّ ما ني مقتنع قادني قود
كل ما تنحنح تلتفت روس الانذال
ليه النهيره وليه داوود داوود
اما تبطّ العلم بوجيه الازوال
ولى السكوت ولا على هرجتك زود!
في حزة الضيق الرجل وجه واقبال
يواجه الايام ويناطح الكود
والمدح لا من جاك ماهوب رجال
مدحك عبث يعني مذمّه ومنقود
ترى الخطا ماهو خطا كل الاحوال
الا الخطا اللي تستمر فيه وتعود
يا كم اتعبله زمان الشقا بال
وخل الرجل يستقبل الهم بورود
عشرة سنين ازرعك يا صبخ الاهوال
عيت لا تثمر ولا تجيب لي فود
وعشرة اسنين احاول اكوّن إرجال
ولا شفت لي رجل ٍ على الصعب جلمود
ظن الخطا مني ترى الحق ينقال
الوقت ما قصّر من الطيب والجود
لابوه ولابو قلعته لشهب اللآل
اللي يمهدلي وهو درب مسدود
وده يدربيني من الشامخ العال
وانا اعرفه مااااش حصني وسلبود
ارنب حماده وان ظهر خايب الفال
مابين مخلاب ٍ وناب ٍ وبارود
يا كثر ما املك جنازير واغلال
لكلاب جرارّة مصارين وجلود
وياكثر ماربّي من كلابي اجيال
نهاشة الطرقي مداشير ٍ إشرود
التالفه متنقّص من الغنم حال
دام الغنم مابين لاقح ومولود
عاد انت : تزعجنا وعنبر اخو بلال
هذا اخو هذا والاثنين هم سود
لتنام في وسط المقابر والادغال
ولا تحلم احلام الامل وانت مفقود
هذا وصح الله لساني ومن قال
يسلم ومن يسلم له الطيب مردود
جنازير واغلال
العرض العادي
