وجه ابن فهره / هجائيه

يا وجه ابن فهره ويا ( . . . ) ابو بريص
لا لا تجي عندي وتلعب بذيلك

قبلك جدعت الفار والكلب والنيص
واليوم جاك الدور يا ويل ويلك

ان كان فيك الخير من قبل متغيص
اركب على ما قيل من فوق خيلك

وطيت خشمك وطية عناد لغليص
وبالمنتدى هديت عزمك وحيلك

واشوف بالتالي بدا قلبك إيميص
شقيت في جرد الفيافي صميلك

يلي تخبص القاف والوزن تخبيص
مالك علينا راي وانفض شليلك

لا تحسبنك قيصر الشعر تخصيص
خذلك نفس .. ارتاح .. يبرد غليلك

شعرك سوالف كلها حيص في بيص
اطلق قصيدك مستوي مع هزيلك

لو تزبن اطيور الهوى والمقانيص
اسرهدك واللي يشيلك يشيلك

داخل علينا عرض ودْك المخاليص
ارع التبن عندك وثورك كفيلك

عند الرجال اعطيك حجم المناقيص
كل العلوم الناقصه تستويلك

ترى جزيل الشعر ما هوب رّخيص
مالك وماله حل عنّه دخيلك

يبقى معي كلمه تخلصك تخليص
اني انا بالشعر ( استاد جيلك )