عليم الله من يطري عليّ محمد السلطان
يشوش الراس واتنفس مراجل راعي الخوّه
هديب الشام زيزوم المراجل والحصان احصان
كريم ٍ صادق النيّات من برى ومن جوّه
يحطبني الفراق ويستميت بفاسه النسيان
ويصلاني على رمضا وقلبي منّه اتشوّه
يذكري بسجات القنص واحنا شمال إدخان
على الجُرّه ويتبعها يعرف الطير من جوّه
وكيفه ما يحطه في ترامس صنعها يابان
يرد الدله الصفرى ويفهقها على ضوّه
اهليبه على المركا واشبّ لعينه الفنجان
وارحبه مثل جو المطر يوم ارتزم نوّه
لك الله ما نسيت اللي بمثل امعرّب الجدان
تشب النار في صدري مثل ما تشعل الدوّه
ولكن هالزمن يقطع علينا مواصل الصدقان
عسى ربك يجملّها ولا حولا ولا قوّه
لا حولا ولا قوه
العرض العادي
