يابسم الله على قلب البتول وحسنهـا الفتـان
عليها ذكر ربي مـن قدمهـا ليـن هامتهـا
أسمي كل مامرت علـي بأسـم الله الرحمـن
على من تجمع قلـوب الأوادم فـي محبتهـا
لها القلب وغلاه ورحمته والشوق والتحنـان
ملاك أبدع الرحمن فـي تركيـب صورتهـا
وهبها الحسن من فضل ملايكته على الأنسان
عسا ربي يعديهـا العيـون وشـر نظرتهـا
عليها يشبهون أغلا الذهب واللول والمرجان
وهي ماتشبـه إلا ماتشوفـه فـي مرايتهـا
أنا لو شفتها مهره لها فوق السحاب عنـان
متى ماهـب ذعـذاع النسيـم تفـل غرتهـا
ماشافوا المترفات أحلى وصوف شافها ضيدان
من الغيره عيون غمضت وعيـون شافتهـا
يحق ألها التباها بالجـدود وعودهـا الريـان
وانا مالـي حقـوق إلا محبتهـا وضحكتهـا
محبتها حياة وبعدها عـن ناظـري حرمـان
وش أسباب المحبـه فالحيـاة إلا ابتسامتهـا
يا ذكر الله على وجه البتول وحسنها الفتـان
يابسم الله عليها مـن ذكاهـا لـي براءتهـا
للمبدع / ضيدان بن قضعان
البتول
العرض الشجري