يقولون فيه شيخ تناقر مع كاهن وتشادو بالكلام
الشيخ يقول ان الاسلام هو الدين الحق
والكاهن يقول المسيحيه الدين الحق
في الاخير قال الكاهن للشيخ وشرايك نعمل مناضرة بينا قدام اهل القريه في الساحه واذا افحمتني اترك المسيحيه واعتنق الاسلام واذا افحمتك تترك الاسلام وتعتنق المسيحيه
قال الشيخ انا موافق
قال الكاهن اجل بعد اسبوع من اليوم نتلاقا في ساحة القريه
قال الشيخ طيب اتفقنا
بعدين تفارقو
بعد ماتفارقو فكر الشيخ وقال انا مجنون ورطت نفسي مع هذا الكاهن ووقعت في الفخ الي نصبه لي
صار الشيخ يروح ويجي في الطريق وهو يكلم نفسه وش يسوي - رايح جاي رايح جاي
شافه واحد محشش
جالس على جنب الطريق
قال المحشش للشيخ
ياشيخ وش فيك رايح جاي تكلم نفسك - تراك قلبت راسي اركد الله يرحم والديك
قال الشيخ للحشاش اتركني في حالي انا مو فاضي لك
قال المحشش للشيخ ياشيخ تعال احكي لي وش فيك اذا ماقدرت اساعدك ماراح اضرك وتكون فضفضت عن نفسك وبعدين ربك يوضع سره في اضعف خلقه
قال الشيخ طيب والله انك صادق انا حاس راسي بينفجر اذا ماتكلمت
قال الشيخ للمحشش
القصه وانه الكاهن خدعه وخلاه يواعده للمناظره قدام اهل القريه
قال المحشش لاتروح
قال الشيخ بيقولون ان المسلمين مايعرفون الوعد و ان المسلمين كذابين
قال طيب انا عندي لك حل
قال وش عندك بعد يا ابوالعريف بتتفلسف وانت محشش
قال المحشش ايه
اذا جا اليوم الي تواعدت انت وياه فيه تعال لي ابروح معك للساحه بعدين تقول للكاهن انك تترفع عن مناظرته وانك احضرت احد تلاميذك لمناظرته , حلو
قال الشيخ وبعدين
قال المحشش بعدين اذا افحمني الكاهن وانا واثق انه ماراح يقدر اكون عطيتك فرصه اسبوع ثاني
قال الشيخ والله انك صادق
راح الشيخ مبسوط
بعد كم يوم جاء الشيخ للمحشش وقال له ياالله نروح الساحه
قال المحشش عسى ماشر وش فيه في الساحه
قاله نسيت الاتفاق
قاله اسف ذكرت الحين ياالله نروح
قاله الشيخ انتظر خذ هذي العبايه والعمامه والبسها عشان يبان عليك انك طالب علم
قال المحشش طيب
بعد ما مشوا باتجاه الساحه شاف المحشش
دجاجه قام ومسكها وحطها تحت العبايه وقال في نفسه هذا العشاء وضمناه بعد مانخلص من قصة هذا الشيخ اذبح الدجاجه واشويها
بعد ماوصلوا للساحه حصلوا الكاهن ينتظرهم قال الشيخ للكاهن انه يترفع عن مناظرته وانه جاب له احد تلاميذه
قال الكاهن طيب المناظره من ثلاث اسئله
الاول
جاء الكاهن قدام المحشش
واشر باصبعه
رد عليه المحشش واشر باصبعين
الثاني
اشر الكاهن باصبعه للسماء
رد عليه المحشش واشر باصبعه للارض
الثالث
طلع الكاهن من جيبه بيضه
رد عليه المحشش وطلع من تحت العبائه دجاجه
قال الكاهن اشهد ان لا اله الا الله وان محمد رسول الله
استغرب الشيخ وش الي صار
راح الشيخ للكاهن وسئله وش السالفه
قال الكاهن ان نباغة التلميذ من معلمه وانه على الدين الحق
قال الشيخ اشرح لي ايش الاسئلة والاجوبه
قال الكاهن انا سئلته السؤال الاول وهو
اشرت للتلميذ باصبعي على وجهه وهذ يعني : ان الله واحد
رد علي تلميذك واشرلي باصبعينه يعني : انه ماله ثاني
فسالته السؤال الثاني
اشرت له باصبعي للسماء يعني : رفع السماء
رد علي تلميذك واشر باصبعه للارض يعني : و وضع الارض
فسالته السؤال الثالث
اخرجت له من جيبي بيضه يعني : يخلق الحي من الميت
رد علي تلميذك واخرج دجاجه يعني : ويخلق الميت من الحي
استغرب الشيخ كيف جاوب المحشش
على هذي الاسئله
فذهب الشيخ للمحشش
وسئله اشرح لي وش السالفه
قال المحشش لايهمك هذا الكاهن
اول شي جا الكاهن واشر لي باصبعه يبي يخفس عيني قمت اشرت له باصبعين وقلت له ابخفس عيونك الثنتين
بعدها قال الكاهن ابرفعك فوق قمت رديت عليه اني بمحط به على الارض
بعده الكاهن تعوذ من الشيطان وعزمني على بيضه رديت عليه وعزمته عى دجاجه
مع حوووووبي
قصة الشيخ والكاهن والمحشش
العرض العادي
