ابيات سحر

مقرحة هاجسي تكشّف ساقها فوق الحرير
وانت شاعر جزل ترقّص في يدك بنت الشبح

يانديم الشعر تهّيا الشعر ماهو شعير
والاديب الذكي يواجه او ينطحني نطح

فيه شاعر مؤدب ٍ من حكمته كم نستنير
وفيه شاعر مغفل ٍ مثل ابن فهره هالوقح

انتظرت العرب أبي شاعر مخضرم او خطير
اشهد انْها مشاعري فاضت ألا يا شعْر زح

واحتريت الردود يا ربعي أبي شاعر سفير
وينكم يا هل الشعر من باديه او من فلح

اعتقد هالبحر مُعقد وده امهندس خبير
شاعرن يطرقه بكيفه قبل لا يمزح مزح

السموحه نبي محنّك ينقل السيف الشطير
وين هو راعي التحدي ؟ ما نبي يرزح رزح

ياعرب ما يهمني احساس تقرير المصير
حق عوده بلا وطن يعني تشرد من نزح

والهموم اكثرت وآنا ناوي اكمّل هالمسير
لو يحول الزمن تلاقيني على معبر رفح

اشهد انها حياتي المُره بفنجال العشير
كل طيف ٍ أشوف لونه احسبه قوس وقزح

يا فتى ليمتى تحرّى طلة الخد المنير
تحسب انّ الهيام لعبة كلّها جمع وطرح

انتهينا عسى فراقه يجلب الشي الكثير
الحقيقه معي اكيده ما تجي مزح ابرزح

قافلة حبنا ركايبها سرت عقب الهجير
وش علينا من الكلاب المسعره تنبح نبح

سامح الله خطا ظنوني ينفعلات الضمير
من يداري ؟ عيونك اللي ما تبي ضحك ومزح

كهرمان الخرز أشوفه في مسابيح الاسير
انتليني انا جنوني قد وصل حد المرح

وانثريني على طريقك والهوى ماله نظير
والعدو كالاناء ِ يا أخت العرب ينضح نضح

اطوي الدرب رحلتي تبدا على ظهر البعير
المسافه تطول لاكنّ الجرح هوّا الجرح

والحكيم الطبيب قرّر قبل اجيله مستخير
يحسبنْها بسيطه ٍ يومين ويخف الرشح

الجروح التهابها بالرجل ولى بالصغير
كيّها واجب ٍ وانا مبطي كوني يا فرح

سجليني على قوائم هالسحب قبل الاخير
او اقول اسمعي :عسى ماتكتبيني وانمسح

حالتي يافرح تبكّي هالصخر قلبي كسير
انقذيني غريق متعلق بقشة وانطرح

استغاثة دموعي اللي تنّشر عبر الاثير
فوق ظلم القدر تناثر بالجرح طعم الملح

مابقى مستحق والذمه بريه يالاجير
والعفو سيّد المواقف لا حماس ولا فتح

ابن وائل طخامته ترفض بإنّه يستجير
لو يذوق المرار كله والهوى يلفح لفح

عادته يدهل المراقيب الطويله لويطير
والحرار الحرار دايم تاكر الضلع السفح

لا أُبالي بما يقولونه انا شاعر امير
الثنا له ثنا مجرّب والوفا راس الرمح

يا ولد سنّة الحياه تبغى صبر صبرا كبير
من رضخ في مصايبه فاله حياه تذبح ذبح

أرنب الشيح يا عقاب الحوم يا ملعون صير
لا تكسّر جناح متنك والحجر يقدح قدح

والصراحه لقيت راحه يوم ريّحت الضمير
اعطي المحترم وقاره وابغضه راع المدح

الكلام اللي تقوله ؟سآبقه ( وأمره خطيــر)&&&&مسأله أو أحجيه(ضرب؟نآنج في طرح؟!!!)

أبتديت القاف (حقك)طآرت أفهم لآتطير=وصآحبك جرمه بجرمك (مير عندي مقترح)

دآمك موظف وحيد وأبتلش فيك المدير=خلنآ نسوي(تحآلف)وقرحنآ0به نقترح

((مآي ديير مآي فريند لســن مي وكمهيـــر))=يوور هآرت ومي هآرت طيبها(أول مآفلح)

ميدل إيست اسبيس (طل)واحترامي للحــ00=دآم مآت الدم فيهم لآتنادي أسترح

كوره ولعبه سخيفه النيجه (سفـــت وييير)=التفرق والتناحر(مين يجرح من جرح)

الحصار ألا الجدارويآسكوت أعمى بصير=الصمود بلاحدود (وحق ؟عوده؟منذبح)

خلنا حول المعابر(ومجرم الحرب البشير)=زول ماداير مشاكل وبوش زاتو ماسمح

الصراحه قول راحه وانت فهمك فهم طير&&فيك شي من التسرع؟وللتحدي مصطلح

جيت حاديني زماني وأتحدى( أكبركبير)&&بالتواضع والمحبه(( ومن صلح قلبه صلح))

أخوي عنآد :أولا شكرا

ثانيا احيان وانا اخيك تجي قصيده والاسلام من شرواك

والدنيا مشغلتنا 0الله لايشغلنا الافي طاعته 0ولاوالله نزله الطيبين

لاكن ردى الحظ يشرهك مع اعز الناس

وبعدين شوف لاتشيب الحروف لاني شايب راسي

ولو انلي اعرف انك من اللي يحبون التحدي وانا مثلك

ولكن لايطلع لنا واحد (مثل محمدالعوني)ياخراب بيوتنا ؟

اقول اذا طلع واحد مثل هاك الرجال

رحنا فيها وشيقول هو بتذكر

((هل الهلال وكامل الدمع مدرار--لآهل واهمل ماطره هل))

ياخوي شايف فيها شي غريب؟؟

انا عبدالله وليدي يقول فيها

عاد يانا اعمى ياهالورع اعمى بعد بس توه ياخوي

؟؟

قال بس ورها خويك الرواد ولو انكم رواد فضاء انت وياه

ماوصلتم بالمكوك لاربعين بيت مثلها

اخوووص يتحدى؟؟

قلت ياولد عيب ضيف وخوي وجار قال بس سلم عليه وقله ترى عبدالله يقول

يابناخي القمح هسنه طلعه أكثر سبله خرمان

ماتقدر تسوي لك من لوفريكه وعلامها ياممحله ياخرمان؟؟

وعاد بغيت اكفخه لولاه قال انا بوجه ابو سطام قلت سلمت قال سلملي عليه

واترك مابقى لفهمك وفهم شرواك

واحترم ياولد نفسك -الشعير مره وصل فوق 50ريال

وقولي مين يدفع في وحده من معلقاتك والامعلقاتي نص المبلغ

ألا أذاكان مجنون اوقارض للشعر وليس قارض للشعير

واسمع ياخلفة الطيبين غثيث انت وانا مغثوث فكني انا بوجه ابوك :ياخوي كرهتك

ومااحبك ولااحب قصيدك ؟انبسطت الحين

ياويل اللي ماله والي ياعناد

والله اني احيان أرد من خاطر الي شرواك وانا مافي اقول بيتين والااقوم وامشي

وانا شايف دربي :مير لاتزود حمول وضيحان وهو حمله ادبر السنام والدنيا هلست جنوبه وغاربه

دخيلك

تعبت حالك يالنديم

انا ما اقصد بها تحدي هنا

لو اعرف ادخل الرابط

كان دخلته وشفت التحدي وينه فيه

على كلا

مرحبا وسهلا

ياويلي منك ياعناد

هاذي ثاني مره وانا اشوفك يوم تمر على كلامي

ماتمر مركز -اي تحدي الله يرحم من مات لك

لاوالله الليل دغوش مارمعتها زين

قلبها وانا مالومك وانت بعيد من الشمال لحدود الربع الخالي يتقطع الشوف

أقول الله يسعدك ويجوزك وان كان ماودك جوزني انا

سلام

لا هنت


يعطيك العافيه

لو ان كثر الحكي يجلب غنيمه
ماشفت بالدنيا رجال ٍ شقيين

يالنديم كيف لحال انت طيّب ؟

انا احسبك فيك شي

ترك تكتب كلام واجد ما يزعجني بس اعتقد انه ما هو في محله

اتعبت اصابعك وانت تتكتب

وانا ياسيدي بحكم انكم كرمتوني بهالصفحه مشكورين / مشكورين مره ثانيه بالوجه وبالقفا سمعت

احب اني اجمع بها كل ما كتبت ليتسنى لي طباعتها في وقت واحد ومن منهل واحد

اما انك تتعب راسك وراسي بكلام

اعتقد للي يقراه يجده خارج النص

بعدين ترني سامع ٍ بيت

يقول

مافيه داعي للكلام المشفر
ولانتا على العربان راعي وكاله

الله يرحم ترابك يامفرح الظمني انك تفهم علوم الرجال ودايم تختصر

الزبده يالبناخي

اتمنى وصلتك الفكره

اما ماكتبته صدقني

ما التفت له

وبخصوص الفريكه رح اسأل اللي يحصد بالشراه غديه يعلمك

اتمنالك جو معتدل غائم جزئيا مع احتمالية سقوط زخات من سعة الصدر اللي خبرتها فيك

لا تغدي جنوبي ترني باجيك حقل

هههههههههههههههههه

ماكذبت

ولكن احيان تفضفض خويك

هو الوحيد اللي لو زليت يدمحها؟

الزبده لامشفر ولايحزنون

ان جيت حقل وماوسعتك شلناك على كفوف الراحه

وعلمك غانم والحكي بالفايت نقص بالعمر

[align=center]
الجروح التهابها بالرجل ولى بالصغير
كيّها واجب ٍ وانا مبطي كوني يا فرح

سجليني على قوائم هالسحب قبل الاخير
او اقول اسمعي :عسى ماتكتبيني وانمسح

حالتي يافرح تبكّي هالصخر قلبي كسير
انقذيني غريق متعلق بقشة وانطرح

استغاثة دموعي اللي تنّشر عبر الاثير
فوق ظلم القدر تناثر بالجرح طعم الملح

مابقى مستحق والذمه بريه يالاجير
والعفو سيّد المواقف لا حماس ولا فتح


الشاعر : وسيع الطعنة
صح لسانك
قصيده ذات مفردات سجعية رائعه
[/align]