ايامنا لا جات ماهيب رادّه
وماني امتأمل يوم أقفى يرزني
امزح مزح واثر المقادير جادّه
ليت القدر لا عز غيري يعزني
ولد الغنا لا نام يحضن مخادّه
وانا على جال الفقر لا تكزني
الضد فيني ما لقى من يضادّه
من يوم شفته للحنايا يلزني
ماغير صدماتي بهالوقت حادّه
والهم الاسود يا ولد يستفزني
امسح تعب دمعي والعيون لادّه
هو فيه يوم يمر ماذوق حزني؟
وقتي خلص قفا والايام مادّه
عندي فلوس يزيد قدري و وزني
ماني لحالي اكثر الناس كادّه
وش فيك يا راع الدراهم تخزني
اشد وارخي مير دنياي شادّه
ساعه تظّهرني وساعه تدزني
كل ما غصبت الضحك يجيك صادّه
من اقصى الجماعه بالمجالس يحزني
والصدق يزعل ناس لاصرت عادّه
مثل المطوع بعد الايمان يزني
واللي يقدرني اعزّه و أآدّه
واللي يبي ذلي خسا ما يهزني
ان ملقحت ماضره اللي يهادّه
بكره تهل قنوفها كل مزني
يستفزني
العرض العادي
