ما هقيتها منك يا احمد السليلمي

سمعت ان المشرف احمد السليلمي عازم نديم الشمال على الشرقية
و قالوا لي ان نديم الشمال في تبوك متحضر للسفر و لابس الجينز و الفنيلة الحمرا من هلحين
و اقول لنديم ترى علومك وصلت
و انا عتبان على السليلمي بلاه ما يعرفك
و بعدين انا ما لقيت في سفرتك حسنة وحدة ياهالمتميلح على قل ملح
ما غير بلاوي ودها تحصل و بتلحق السليلمي مسعولية .

و بعدين يا احمد انا و اياك اهل ديرة و ربع و ما ودي تلحقك شرهة و ملامة و عتوب .

و اذا مصمل على جيته للشرقية ودي انصحك عن بعض الامور و ابغاك تحرص على كلامي

اول شي في الليل لا يطلع من البيت لا يحسبوه حوثي و لا بنغالي متخلف و تاخذه الدوريات و تبلش في عمرك و ترى بطاقته قديمة طلعها يوم كان ورع قبل 30 سنة و الصورة مختلفة .

و ثاني شي لا توريه جسر البحرين مير مره لانه لو شافه بيروح البحرين لو سباحة من تحت الكوبري و لا تقول ما علمتك .

و ثالث شي لا يطب سيهات و الديار الي حولها لا يسوي لنا فتنة طائفية
و ان ما سوى فتنة تراه بيطيح له في جواز متعة و لاعاد يثني لضعوفه و حزرم و لا تقول ما علمتك .

و كمان لا تخليه يكت و يسند في الاسواق و المولات لا ينفتن
تراه على طرف جرف متهايل و جيبة العيد عنده مثل سلام عليكم .

و احرص عليه يا احمد من الهبايب تراه مثل الريشة الي كل ريح تهزها .

و بعدين انا و اياك يا احمد من اهل شار و قلت لازم اعلمك قبل ما تتورط و انت رجال بدوي مثل حالاتي و على نياتك و نديم مثل السمتح الي طاير وبرها تلقاها في كل شعيب تدوج على قل فايدة .

حويط الثاني عشر شخصيا
من صفحة شار