الى نديم الشمآل

مداعبه صباحيه لاستاذنا القدير

الشاعر الدينمو نديم الشمال


نديم الشمال افتح ابرسلك ابلوتوث
عسى الذاكره عندك قويه يالحويطي

ابشكي عليك الحب يا طيّب الموروث
واعرفك محنك توحي العلم وتحيطي

جروحي معه نكبه وحبه وكالة غوث
وهمي يبن عمران مستوطي ٍ حيطي

ابرسل جنابك بعتبار انّك المبعوث
وسفير النوايا الطيبه فيده الخيطي

عسى اتجيب لي راسه , يعاند وانا مغثوث
لعوب ٍ لعب فيني وانا ماني اشريطي

اذا شكّ بالكامل فرق سومة المثلوث
ملكع ولا ينصاد ما فيه تفريطي

يجيني بنفنوف ٍ وعطر الغلا مبثوث
يهوّل عليه الثام لكنّ ميميطي

ونقعد انا ويّاه خايف وهو مجثوث
ينّقط مواصيله على الروح تنقيطي

نخيتك اذا شفته تورّيه البلوتوث
تجمّل وجملني نخيتك يالحويطي