زهرات البنفسج

[poem=font=",6,deeppink,normal,normal" bkcolor="black" bkimage="" border="groove,10,black" type=2 line=0 align=center use=ex num="0,black""]
تحت دالية شعري تدلّى حروف القـاف
=كأنهـا عناقيـد ٍ مـن غصـون ميّالـه
بعد مستوى حمل العنب والقطاف اقطاف
=تدليت يا قطـف المحبـه مـن الدالـه
واشوف الندى إكليل ورد ٍ وغصن ٍ جاف
=تبسَم لزهـرات البنفسـج علـى جالـه
اذا طل وجه الصبح طار الحمام ونـاف
=وحبيبي على الشبـاك يسقـي ويسقالـه
قرنفل وفُل وياطبيعه علـى الاوصـاف
=تحشرج بي الكلمه قبل وصـف اطلالـه
لإآلأ ندى والوان قوس وقزح واطيـاف
=موسيقى الشجر وانغام بُعـده وترحالـه
فصول السنه هذي على وجنته تنشـاف
=واحسّ الـورود الحُمـر كلْهـا تثنّالـه
يهبّ النسيم وتنتشـي رقّـة الاطـراف
=على زيزفونة مدخـل البيـت والصالـه
هدوء المكان وشمعة العيـد والاصـداف
=ونـاي ٍ يغنـي بيـن عقـده وسلسالـه
و بنْدول هالساعه مثل قلبـي الميـلاف
=يحيـن الوَعـد ويـدق, وآجـرّ موالـه
وتبدا المشاعـر رحلـة الميـل والآلاف
=على شمعـة ٍ ذابـت واناقـول كرمالـه
أجرّ الحزن والأوف من قلبـي الشفّـاف
=عساها تلامـس جرّتـي دنيـة آمالـه
واحس المكان يضيق لو ينشحن بخلاف
=إذا طـال منديلـه وإذا فـكّ فنجـالـه
تفتّق معه كل المواجع بـدون انصـاف
=والمّ الحزن اشلاء بـس ينشـرح بالـه
رياح الزعل لا مشّطت مايل الصفصاف
=تبعثر ورقه ان شفـت حالـه ويرثالـه
تفيض الدموع الطاهره والامل مجـداف
=يجدف بعيد وليه مـا جـدّف اقبالـه ؟
محد إشعره بيني وبينك تبـي ماخـاف؟
=امانتـك امانـه شـف قلبـي وغربالـه
هنا بقلب الصفحه واقول الحزن قد طاف
=وترجع لي الصفحه على أسـوء الحالـه
تفلسف عجيب و وآقعه جرحي النـزّاف
=اعيش العمر كله تحت رحمـة اوصالـه
على قد ساقك مدّها لو غطـاك الحـاف
=قبل يختنق طفل الامـل داخـل احبالـه
ولا بين حظي والقدر يالحبيب اجحـاف
=ولكـن يحـرّك هالقـدر أصبـع الآلـه
يعرّاف لا تقرى كفوفـي وانـا عـرّاف
=قريت الصدف من قبْل لا يستـره شالـه
تراها محبه ,عشق, ما هيب هزّ اكتـاف
=ولا هيـب فـخّ ولا تصيّـد بمحبـالـه
إذا ما فهم قصدي وقال الهـوى مهيـاف
=يحل عن سمايـا فـال ربـي ولا فالـه

[/poem]