قصيده تستحق الاصغاء إليها (والله مانساك) - الشبكة العامة لقبائل الحويطات

24-02-11, 04:23 PM

السلام عليكم ورحمة الله وبركاته
اعجبتني هذه القصيدة وحبيت انقلها لكم
قصيدة جزلة تستحق سماعها والاصغاء لها
قالوا عنها/ قصيدة عن مليون قصيدة
للشاعر المبدع في هذه القصيدة /سلطان المطيري

بالنسبة لي سمعتها لين ملت مني القصيدة

اترككم مع القصيدة

YouTube - ‫قصيدة في قمة الروعه - الشاعر سلطان بن عادي والله مانساك‬&lrm;

قال الذي حده على بـدع الالحـان واشرف على بنـات فكـرٍ كتبهـا
يذب صوته بيـن سجـات وذعـان علـى طواريـق المعانـي سهبهـا
يتـل قلبـه بالمعالـيـق شـريـان تلـت يمينـاً تلهـا مـن كربـهـا
شوارد المعنـى ثقيـلات الاوزان يشدهـا هاجـوس فكـراً سكبهـا
شاب الورق مـمابقلبـه ولا لاان ارها على جـزلات حتـى كتبهـا
في سولتـه ياقـل مافيـه سلـوان باسباب من كان السبب في سببهـا
اللـي تسبـب لـي بهجرة بالعيـان جعله وقـود النـار واول حطبهـا
ترف الصباء عذب اللماء مطلق البان مياس قـدر وكـم قلـوبٍ عطبهـا
سبحان من صور جماله وسبحـان انا اشهد ان اللـي عطاهـا وهبهـا
لاجيت اقارنها مع البيـض شتـان مابـيـن انـحـاس وذهـبـهـا
واليا وقف رمحٍ علـى راس مابـان وليا مشاء درج القطـاء ماعجبهـا
ارواح ربـه والبهـا فيـه ريـان قام ايتغطـرس باالعيـون اوهدبهـا
فريد جنسه مانخلـق مثلـه انسـان ياكبر حـض اللـي ولاة اونسبهـا
تبقالها حـر علـى مـر الازمـان بنت الرجال اللـي رفيـع نسبهـا
ادمنت حبه ليـن عديـت الادمـان والارض ضاقت لو وسيع رحبهـا
قـم يانديبـي بالملازيـم والشـان حملـك ورق ونـا عليـا تعبـهـا
اركب على نتقن مواريث الالمـان بالكاش مشراها مـن اللـي طلبهـا
من وارد الناغي بها حوش عمـان ياكـم عيـون لا تهلـت رهبـهـا
إن قلت صانعها ماهو بانس مـن جـان فوق المواتر صاغها ثـم رسمهـا
ياكنها عـذرا تمـاري باالاوجـان باالملعبـه ماحولهـا مـن هزمهـا
مـن فـوق فـل ابشـن ايــلاان الرابح اللـي جابهـا مـن نجبهـا
تنزع من الباطن وتسـري مسيـان وتنـوي اللـي للمسافـة ركبـهـا
بي ام سبع اميه وخمسين وحصـان بين المواتـر ماذكـر مـن غلبهـا
من شيشة المشهور والا عبيـلاان فول وقـود النـار ووزن حدبهـا
ثم تلهـا تلـت شفـوق وحدمـان للـي هـواء بالـه تنحـاء جنبهـا
ياكنها دعجـا هـوت بيـن عقبـان شيهانةٍ فـي عشهـا مارعبـهـا
اسرح مساريح القطاء يـم نجـران ديـره ارجـال فعلهـا ماحجبهـا

واضح محله مايبي وصف عنـوان تلفي على اللي ماتقضـع اركبهـا
قله ترى ذا الخط من يـم سلطـان ونتم تحلـون البلـش مـن نشبهـا
لاياعـوض ياصاحبـي ياكحيـلان انته عوض نفسن تزايـد غضبهـا
انته شبيه الذيب والذيـب سرحـان عدا على روس الطـوال ورقبهـا
تبذل يمينك مـا تغاليـت الاثمـان يمناً على فعـل المراجـل طربهـا
يمناك عدت بـك ولك كـم برهـان ماجـور ياعـودٍ جذبـك اوجذبهـا
روسان ياجاهل عن افعال روسـان حمولتـن ماغـاب عنهـا شببـهـا
اشكي عليك الحال من كاينٍ كـان مسهوجةً وشيـب قلـبـاً رغبـهـا
منساه لوتنسـاء بنـي يـام شيبـان ولو ينقل الباطـن وعوجـاه ببهـا
ولو ينتقـل لدبـي سنجـار وابـان وبرج العرب والعين عندي عزبها
ولو تنكر المطران عرفاء وعوجان والصلب والصمان واقصى هضبها
والشمري يزهق بحايـل وبـرزان يتـرك معاميلـه عقـب ماعملهـا
ولو يطردون الضيف طلقين الايمان والضيف مايلقى القرا فـي عربهـا
ولو تنتقل وايل وراء ضلع شمران وتنزل بعرعر ناس ماهـي شعبهـا
ولو يقطنون السيت صبيان قحطـان وتتـرك اتالعهـا وتنـزع ودبـهـا
ولو يتركون اهل الحساء كل بستان ويجنبـون انخيلهـا مـع رطبهـا
وهل البحر تنزح من السيت بدوان وتارد علـى لينـه وتمـلا قربهـا
منساه دام الروح في وسط عبـدان ومـادام روحـي ربهـا ماسلبهـا
اخيلهـا ماخايلـوا غـر الامـزان واون ونــات تكـسـر عتبـهـا
هذا ولـك منـي تحيـه وعرفـان يامـن فناجيـل المراجـل شربهـا

منقول لعيونكم
Aljaasser
دُمتم