نفس الشعور اللي كتبنا ....قتلنا!!

*** نفس الشعور اللي كتبنا.... قتلنا ***

عشنا .. تربّينا على الآآآآه بسكات
كم آآآه غنّينا ... وكم آآآه قلنا !
اوقات نشكي من قسى الوقت .. وأوقات
الجرح في قمّة فرحنا خذلنا
من حزننا نجلس على شط الاآآآآهات
هم البحر غارق بسيرة مللنا
ماعاد للكلمة طعم بين الأبيات
نفس الشعور اللي كتبنا .. قتلنا
الضحكه اللي ودّعتنا ... ولاجات
قفّت وخلّتنا ضحيّة زعلنا
كل مانحاول نسرق الحلم لحظات
الوقت مايمدي نداوي عللنا
انتم وانا .. وانتي وانا .. وانت بالذات
نعشق .. ونجرح عِشقنا من جهلنا !
مانملك الا ّ .. ذكريات .. وحكايات
وحزمة مواجع من تجارب أهلنا
نحتاجها من حاجة الروح للذات
نحبس أثر جرح الشعور .. وجعلنا
مابين درب ودرب نمضي مسافات
ذقنا التعب فيها ... ولكن .. وصلنا
المغريات تثير شر الملّذات
وغاياتنا بايمانها .. تنتشلنا
لا نحسب اللي كل ما فاتنا مات
باكر ليالينا تبوح بفعلنا
مره نشد ! ويمكن نطيب مرات
بس الاهم ! مانستمر في جدلنا
لا الوقت يمدي نستعير البدايات
عمر ٍ طوتنا صفحته وانتقلنا
حتى الشعور اللي جرحنا مضى . \ . فات
مهما وصفنا في معانيه . \ . قلنا
ماعاد للكلمة طعم بين الأبيات
نفس الشعور اللي قتلنا . \. قتلنا
والضحكه اللي ودّعتنا ولا جات
كانت ضحيّه من ضحايا زعلنا !
يمكن تعوّدنا على الآآآآه اوقات
والآآآآه ماترحم حِزن من سألنا !
قلنا نحاول نسرق الحلم بسكات ..!
يمكن نحقق من طموحه أملنا.. !!

رفقاً رفقاً رفقاً
رفقاً بقلوبنا العاشقة أيها الراقي بحرفكـ
فقلوبنا تتلاشى عند سماع الأحاسيس الجياشة لسحركـ
حب يصرخ في الحنايا بجنون ..يريد أن يخرج إلى المحبوب
بأية وسيلة ليعلمه بهذا العشق المكنون..
دام نبض قلمكـ يروينا بعذب الحروف
وهبكـ الله ما تتمنى و تود ودمت بقرب من تحب
لقلبك الحب الأبدي
تحياتي

يسلمو

رائعة كما هي عادتك

انتقاءات ولا اجمل

دمت ِ بود










الذيب

الله الله الله الله الله الله الله الله
رااااااااااااااااااائعه

نفس الشعور اللى قتلنا ...............قتلنا

والضحكه ودعتنا ولا جات

ماقدر اقول غير الله

تحياتى لك

رفقا بنا على ماقالت تناهيـــــد

الله يعين بس