لوسمحت اقرا الموضوع كامل
مدخل /
صورة .. نموذج لحالات كثيرة بيننا .. دفعتني لتغيير موقعي منها
فلم يستميلني دور مصور أراد أن يتفنن بإظهار هذه الصورة بجمالية يراها
كما تخليت عن دوري كمشاهد ينظر إلى صورة عابرة ولا يتمعن في معانيها
وإنما .. تفاعلاً معها .. حاولت أن آتي بردة فعل صاحبتها .. نحو المصور
ومتيقن أنني لن أكون بنفس شعورها وأمثالها .. في معاناتهم !!
يعني كذا .. صرت بالحيل جذابه؟!
وإلا يعني .. بتاخذ صورتي ذكرى؟!
وإلا معجبك شوف الفقير وثيابه
رثه .. ومعدومه .. وحالته قشرا؟!
ما تشوف آثار العمر
وخطوط الزمن في جبيني؟!
ما تشوف من آثار الفقر
والوهن .. وش صار فيني؟!
شفت عيني؟!
شلون ماأشوف زادي؟!
أو جبيني
ما شفت رسمتها؟!
شفت يديني؟!
شفت رعشتها؟!
ما تحكيني
وعناي .. وقصة إجهادي؟!
شفت جسمي .. شلون ناحل؟!
شفت حالي .. شلون قايل؟!
وإلا عادي
كله عادي
ما تهمك سنيني؟!
وإلا يعني .. لأجل ربي عطاك نعمه؟!
وصرت غيري .. وكأن الفرق كلمه !!
أنا الفقيره
وصرت بعيونك حقيره
وإنت إحساسك نـفاني
يا أناني
تعتبر نفسك شي ثاني
لأن ربي وهبك خيره
لا .. يا بني آدم تركّد
ترى الزمان
ما له أمان
اسمعها مني وتأكد
يمكن الدنيا تدور
ويجيك يوم تكون بمكاني
ويتحطم فيك الغرور
وتاخذ نصيبك من زماني
وتعيش نفس الشعور
ومن حالتي ترجع تعاني
لأجل كذا
اعتبرني ذكرى أليمه
حتى لو حالي سقيمه
واحمد الله .. واشكره
اللي عطاك وأنعم عليك
اللي أغناك
واللي كفاك مدة يديك
اللي خلاك تلقى لقمتك
وتلقى غطاك
وتوفر اللي ينقص عليك
وصرت في نعمه عظيمه
احمد الله .. واشكره
احمد الله .. واشكره
احمد الله .. واشكره
اللي أنعم عليك
وصرت بعيونك حيل جذابه
لكن باعتبارك
منفيه .. وبدون قيمه !!
مخرج /
هلاّ تعلّمنا كيف نتعامل مع مآسي الآخرين .. طالما نجانا الله منها؟!
أقلّها أن نؤدي ما أمرنا الله به نحوهم .. من زكاة .. وصدقة .. وإحسان إليهم !!
دمتم أغنياء بقلوبكم
( جذابه ) .. ثرثرة الفقر .. !!
العرض العادي
