يا صاحبي والشعر من قبل مقيول
مابه جديد الا من الضيق اراسلك
مدري وش ايامك على طول مشغول
وش ماخذك منا اذا ممكن آسلك
ادري الفرح والحزن ماهو على طول
سنّة حياه واحنا معاها على السلك
مرات اقول اني اذا كنت مسؤول
أصفي احسابك من الحب وانسلك
اشوى ترى ماني مع الحب مرسول
كان انتهى حبك وخلك توسلك
دام العرب تشره على علبة الفول
اغسل ادينك قبل غيرك يغسّلك
كنك بديت اتهستر شوي لا حول
مدري متى فالحب يخلص مسلسلك
لتسولي رنه ولا ادق مسكول
اصلا انا ناوي من العام اكنسلك
اكفر وانا بكفر بها قصة الغول
لا عاد ترسلي ولا ني مراسلك
ودك تعيش بدنيتك عيش مجهول
لا تحرق اعصابك وضبّط معسلك
معسّلك
العرض العادي
