أجيلك يابحر شايل هموم(ن) تخنق العبرات
------------------------- ألا يا بحري الهايج أنا همي لك اعطيته
طلبتك تاخذ همومي تعبت آكفكف الدمعات
------------------------- تعبت آعيش في دنيا خذت كل اللي جنيته
أنا أخوي وأبوي اللي غلاهم بالحشا والذات
------------------------- أحبهم حب يتعدى غلا كل شي حبيته
خذاهم يابحر عني خذاهم موتهم بسكات!
------------------------- خذاهم يابحر ليته خذاني الموت ياليته
بغيت آموت يوم أسمع ترى بالحادثه أموات
------------------------- أبوي اللي رحل عني وأخوي هومعاه ميته
يقولون البقا براسك ترى ماتفيدك الدمعات
------------------------- وأنا مالي سوى دمعي يداريني .. وداريته
نعم راحوا وخلوني مابين الهم والآهات
------------------------- مابين الشوق والحسره اذا هلبيت مريته
بعدهم اختفى نوره بعدهم كل شي(ن) مات
------------------------- بقى عطر الثياب اللي بكل لوقات شميته
فقدت أنا حنان أبوي فقدت الضحكة والبسمات
------------------------- وطيبة هالأخو اللي بكل لحظة تمنيته
أنا من لي بعد أبوي يخلي ضيقتي ضحكات
------------------------- ياكيف انسى الألم هاليوم إذا حتى تناسيته
أنا أبوي يخليني على صدر الدفـا آبات
------------------------- وأخوي اللي إذا شفته ركضت وحيل لميته
يبه..اسكت ، يرد:"لبيه" ابد ياولدي قل بس هات
------------------------- اطلبه يبتسم لي "سم" حشى اني ماترجيته
أنا من بعدهم كلي ألم غربة وألم ونات
------------------------- بعدهم صارت أيامي عذاب(ن) ماتمنيته
وغابت بسمتي معهم بعدهم عايش بظلمات
------------------------- يذكرني بهم كل شي وانا كل دمعي هليته
انا من لي في هالدنيا سوى الهموم والحسرات
------------------------- سوى جرح(ن) تعداني ولكن ماتعديته
الا يا بحري الهايج الا يا منزل الراحات
------------------------- طلبتك تاخذ اهمومي..بعدها القلب شافيته
وانا ل هالسما رافع ايد(ن) تطلب الرحمات
------------------------- وادعي ويا عسى الله يستجيب اللي دعيته
وعسى بالرحمه يرحمهم..جعل مثواهم الجنات
------------------------- وانا اب موجي الهايج خذيت الهم وطويته
خذاهــــــــــــم ..!!
رد: خذاهــــــــــــم ..!!
العرض العادي
