ياذيب أنا بوصيك لاتاكل الذيب........

[align=center]

بسم الله الرحمن الرحيم

السلام عليكم ورحمة الله وبركاته

هذه قصيده شالح بن حطاب بن هدلان من قبيله الخنافره من قبيله آل محمد القحطانيه بعد ان جاءه خبر وفاه ابنه ذيب....
وكان ذيب بار في ابيه جدا جدا جدا .....القصه:- راح ذيب هو واخوياه وكان قائدهم وكان عددهم لا يتجاوز الـ 15 رجل
قال ذيب حنا رايحين لقبيله عتيبه علشان ناخذ منهم ابل لااهلنا وقال لازم اجيب لاابوي اجود انواع ابل عتيبه ...
ويوم راحوا يشربون من بير عتيبه لقوا سقاه من قبيله عتيبه واختبئوا ذيب واخوياه علشان مايشوفونهم ....
وكان هناك قناص من قبيله عتيبه شافهم وتابعهم واطلق عليهم بالبندق وجات الرصاصه في ذيب فكان هذا يومه
فحلت على ابوه اكبر مصايب الدهرفقد ولده البار فقد الكرم الحاتمي فقد النخوه والرجوله ومن القهر ساق هذه الابيات لتقطر من قهر شالح وتقول:-



ياربعنا ياللي على الفطـر الشيـب
عز الله انه ضـاع منكـم وداعـه


رحتوا على الطوعات مثل العياسيب
وجيتوا وخليتـوا لقلبـي بضاعـه


خليتـوا النـادر بـدار الاجانيـب
وضاقت بي الافاق عقـب اتساعـه


تكدرن لـي صافيـات المشاريـب
وبالعون شفت الذل عقب الشجاعة


ياذيب انا بوصيك لا تاكـل الذيـب
كم ليله عشـاك عقـب المجاعـه


كم ليله عشـاك حـرش العراقيـب
وكم شيخ قوم كزتـه لـك ذراعـه


كفه بعدوانـه شنيـع المضاريـب
ويسقي عدوم بالوغى سـم ساعـه


ويضحك ليا صكت عليه المغاليـب
ويلكد على جمع العـدو بااندفاعـه


وبيته لجيرانه يشيد علـى الطيـب
وللضيف يبني في طويل الرفاعـه


جرحي عطيب ولا بقى لي مقاضيب
وافخت حبل الوصل عقب انقطاعـه


كني بعد فقـده بحامـي اللواهيـب
وكني غريب الدار مالـي جماعـه


من عقب ذيب , الخيل عرج مهاليب
ياهل الرمك ماعاد فيهـن طماعـه


قالوا تطيب وقلت: وشلون بااطيب
وطلبت من عند الكريـم الشفاعـه

منقوووووووووووووووووووووووول

[/align]

أخى العثمانى
سلمت يا الغالى على وضع هذه القصة الرائعة التى توضح لنا الشيم والقيم ولعربية
وتقبل تحياتى

المشاركة الأصلية كتبت بواسطة ابو هيثم

أخى العثمانى
سلمت يا الغالى على وضع هذه القصة الرائعة التى توضح لنا الشيم والقيم ولعربية
وتقبل تحياتى

[align=center]

ابو هيثم حياك الله يا الغالي

مرورك عسل على قلبي


دمت بود خيو
[/align]

يعطيك العافيه اخوي العثماني على الموضوع وبيض الله وجهك

يعطيك العافيه العثماني
قصيده جدا" رائعه .. وقصه أروع..
أذكر قرأتهاقبل كم سنه في كتاب رجال من الصحراء كتاب جدا" رائع
ياذيب أنا بوصيك لا تاكل الذيب كم ليلة عشاك عقب المجاعه
في قصيده لنفس الشاعر يرثي ولده فيه قبل أن يقتل توقعا" منه بأن أبنه سوف يقتل لكثرة شجاعة أبنه وإقدامه ..
وفيها بيت رائع ضاع مني الشطر الأول اللي يقول فيه :
ياذيب أنا برثيك ولو كنت حيا
ذكرتني بـ الكتاب أتوقع إني برجع أدورله وأشتريه
ألف شكر أخوي لطرحك الرائع.. دمت بود

قالوا تطيب وقلت وشلون با أطيب
وطلبت من عند الكريم الشفاعة


يااااما فقدنا من ذياااااابة


أخوي العثماني الله يعطيك العافية

الله يعطيك العافيه

شكرا لك قصيده مشهوره

المشاركة الأصلية كتبت بواسطة غربة الروح

وفيها بيت رائع ضاع مني الشطر الأول اللي يقول فيه :
ياذيب أنا برثيك ولو كنت حيا

ولاتهون
مـــا ذكـــر بـــه حـــيّ بـكــى حـــي يـاذيــب
والــيــوم أنــــا بـابـكـيـك لــــو كــنــت حــيـــا
يـاذيــب يبـكـونـك هـــل الـفـطــر الـشّـيــب
إن لايـعـتــهُــمْ مـــثـــل خـــيـــل الـمــحَــيّــا
وتـبـكـيــك قـطــعــان عـلـيــهــا الـكُـوَالــيــب
شــيــال حــمــل الــلــي يــبــون الـكـفـيّــا
وتـبـكــيــك وضــــــحٍ عـلـقُــوهَــا دِبَــابــيـــب
ن ردّدّتْ مــــــن يـــمّـــة الـــخـــوف عـــيّــــا
ويبـكـيـك مـــن صـكّــت عـلـيــه المـغـالـيـب
إن صــاح بأعـلـى الـصــوت يـاهــل الحـمـيّـا
نـنــزل بـــك الـحــزم الـمـطـرّف لـيــاَ هِــيْــب
إن صــاح بأعـلـى الـصــوت يـاهــل الحـمـيّـا
انـــا أشـهــد انـــك بـيـنـنـا مـنـقــع الـطـيــب
والـطـيــب عــسـرٍ مـطــلــبـه مــا تــهــيّــا

أخوي العثماني
إختيارك لما تنقل يدل على رقي ذوقك وفكرك
أتمنالك دوام هذا التألق والرقي

ما ذكر به حي بكى حي ياذيب واليوم أنا ببكيك ولو كنت حيا
معالي الشمالي ..بجد ألف ألف شكر

كني بعد فقـده بحامـي اللواهيـب
وكني غريب الدار مالـي جماعـه


من عقب ذيب , الخيل عرج مهاليب
ياهل الرمك ماعاد فيهـن طماعـه
أخوي العثماني سلمت يمنالك على هذه القصيده الاكثر من رائعه
لك شكري وتقديري

ااااااه قلبت علي المواجع بهذه القصيدة الاكثر من رائعة وكنت ابحث عن قائلها لانها تحاكي قصة قريبة من سلمت يداك

[align=center]الدانه معالي الشمالي

فاقده سندها العمده الصغير

غربه الروح بحه الشوق

الصامت



الله يحييكم جميـــــــــــــــــــــــــــــــــع

مروركم عسل على قلبي

ودمتم بود
[/align]