أي والله يارب سامحني .. سويت شي شنيع .. ولو درى أحد منهم... فيها قطع رقاب وحق عرب وطلاااايب وعلوووم ..
هذا سلمكم الله كالعادة دخلت المطبخ ع الظهريات وجالسه افكر لحالي بلحالي وش اسوي حلى ع الفطووور .. بدت تخلص مقاضي رمضان .مع ان أبوي يقول ما امداكم تاكلون حق 3000 اريال بنص شهر .. ويشكك بذمتنا ويقول شكلكم تتطشووون النعمة بالزبالة خايفات من طبخها }} أفكار وفلسفة شياب
... نسى ولا تنسااا طلبات عياله وشروطهم الي ما تخلص .. لا وطالعين لك بموضه هالايام واحد صواني بالفرن وايدامات ماياكل .. وواحد معة حساسية من الدجاج ما ياكله }} اول مرة ادري عنه.. وواحد مسوي دايت قال الرز ما ياكلة بس المكرونة يسفها وطايح بالحلا ... وغيره وغيرة وربك يعين.. والي قاهرني ان الدبااات حريمهم ما ينزلن غير وقت مدت السفرة .. ولمن اتحلطم من حالي بالمطبخ وأقول يمة أنا ماني شغالة عند أبوهن كان تسكتني امي وتقول لي حرام وش تبي فيهن الي مرضع وتخاف تعطش ,والي عرووس توها , والي حامل وتتوحم ع ريحة الكشنة }} وهي ما تخلي صحن ما تلط منه ..
والشي الي يقهر أمي ... أمي ...يا ناااااس كله تسكت فيني يعنني أنا الي غلطانه ...وماتلقى لي عذر زيهن }} بديت أشك اني بنتها وهن حريم عيالها
المهم من امس وانا قايلة لهم تبون حلااا ترا مافي مقاضي بح خلصن مقادير الحلا كلها .. ماغير تمر وتحمدوو ربكم .. محد عطاني وجة .. وكأنهم يقولو بتزرعين لنا حلا غصب ..
وتذكرت انه اليوم الضحى صحاني أخوي الصغير دحوووم( خامس أبتدأئي ) وكان يقولي .. عزوووفة مشتهي حلا مثل الي ارسلوه لنا جيرانا ( قصدة هذاك الحلا الي يتسوىى بشرائح السمبوسة وبنحشي جبنة وينقلي بالزيت ثمن بنحط عليه سكر أو شيرة ) أكيد كلكم عرفتوة طابين فيه موضة من قبل العاااام ..وتوني اسويه ( أخاف من شي فية قلي وزيت . هذي صورتة الحلاا للي ما يعرفونه
رحمته دحوووم بعد قلبي وهو صايم وجالس يتشهوى الضعيف .. قلت لازم اسويله ووعدته اني بسوي احسن من جيرانا .. دخلت مطبخنا اليوم الظهر وفتحت الثلاجة .. مالقيت شي .. .. لا شرايح ولا خبز شراك ولا شي }} مشبهه الشراك بالشرايح
.. اوووف ياربي الحين وش السوات .. لا سوبر قريب والبقالة الي جنب بيتنا مثل وجه راعيها مافيها شي علية القيمه .. حريص ع توفير الدخان للبزران وبس }} كنت اكلم نفسي
وفجأة تذكرت الفريزر الكبير الي بالمخزن لي زمااان ما فتحته .. كان انزل لتحت واولع المبة وادخل المخزن وافتح الفرزين }} ياحبها للاكشن
.. لقيتهااااااا ( صدق انها شرايح سمبوسة من رمضااان العام واشك بل أجزم ان مدتها منتهية )بس اخذتها وتوكلت ع الله .. كان اسويها مثل حلا جيرانا .. وحسيته أنجاااز لاني بصراحة اول مرة اسوية بالعادة مالهم عندي غير حلى ينحط باالثلاجة مثل الحلااا المسكت }} الاصفر الي من تحت بسكوووت ههه
المهم يوم جاء المغرب .. طبعنا حنا نحط كل شي مرة وحد ع السفرة ... حطيت الحلا كلة للرجال ,,, وانا قلبي ناغزني ماعلمت أحد ... ودعيت مع الاذان وقبل ما افطر ( استودعكم الله الذي لا تضيع ودائعه ) .. ويوم جت مواعين الفطووور.. شي عجيب !!... مشااااء الله مسح مسح كل شي ف الصحووون مسح ... اصبع من الحلااا مو مبقينه ..تقول كانوو بمجاعة .. كان ابتسم ابتسامت ثعبااان }} تصدقون عمري ماشفت ثعبان مبتسم هههههه
وقلت هي شي من الثنتين يا معدة الرجال ضد الاكس بيرد ... ولا ربي استجاب لدعائي }} واشك انهم الثنتين
أسمللة ع اخيي جاني يمدح ويشكر بالحلااا والفرحة مو سايعته ... ويقول بكرة سوي لنا مثلة هههههههههههههه يا بطني.. وانا اقول حاضر وواعده نفسي أني ما أعيدها
ما قدرت افضفض لكم غير بعد ماقضت 8 ساعات ع فعلتي الشنيعة عشان أتأكد أن مافية وفيات أوطوارئ بالمستشفيات بسبتي
وقلت قسم قسمااات أني ما أعيدها ,,, وانا أدري وقاصدة ..
فضفضة2(يارب سامحني)
وواحد مسوي دايت قال الرز ما ياكلة بس المكرونة يسفها وطايح بالحلا ... وغيره وغيرة وربك يعين.. والي قاهرني ان الدبااات حريمهم ما ينزلن غير وقت مدت السفرة .. ولمن اتحلطم من حالي بالمطبخ وأقول يمة أنا ماني شغالة عند أبوهن كان تسكتني امي وتقول لي حرام وش تبي فيهن الي مرضع وتخاف تعطش ,والي عرووس توها , والي حامل وتتوحم ع ريحة الكشنة }} وهي ما تخلي صحن ما تلط منه .. 
العرض الشجري