راح منا رجل يسوى له قبيله .

قصيده رثائيه في المرحوم بأذن الله تعالى محمد بن عبد الله البياضي الذي وافته المنيه على اثر حادث بين ضباء والخريبه .

(راح مـنـا رجـل يــســوى لـه قـبـيـله)

يــا دمــوعــي سـابــقــي وبــل الـمخيله
____________لا تــكـــفــى لـــو يــســيــل كـــل وادي
مـاارخـصـك يـالـدمـع فـي حـاجـه قليله
____________ومـا طـلـبـتـك غـيـر في الشي الوكادي
دمـعــكِ ِيـاالــعـيـن بــعــد الـلـه وسـيـله
____________اذرفــيــنـه مـن بـيـاض ومـن ســوادي
يـمـكـن يـخـفـف عـنـا الـنـفـس العليله
____________عـلـتـي صـابــة زمــن دإخــل فــؤادي
(راح مـنـا رجـل يــســوى لـه قـبـيـله)
____________رجـل وضـعــه بـيـنـنـا ماهـو بـعـادي
مـا يـعـــوضـنـا بــشــوفــه كــم زيـله
____________من على سروج الخيول ولا الشدادي
والـمـعــيـض الله وثـم مـن يـنـتـمـيـله
____________عـقـب رجـآل وبـهـم طـيـب وسدادي
ابــن عـبـدالله مـن الــنـادر مـثـيـله
____________دون قـاصـر فـالـقـراب وفـالبعـــادي
نــفـــقــده لاغــاب عــنــا كــم لــيــله
____________لـو ثـلاث لـيال قـلـنـا الوقـــت زادي
مـيـر هـذي غـيــبـه وغـيـبـه طـويله
____________مـانـشـوفــه لـو بــحـزإت الـعـيــادي
وكـيـف مـا نـفـقـده وفـعـولـه جـليلـه
____________لا بـغــيـنـاه انـوجــد بـيـن الايــادي
وكـيـف مـا نـفـقـده وعـلـومه جزيله
____________الـعــلـوم الـليّ تـشـرف كــل نــادي
وكيف ما نفقده وانا اعرف حصيله
____________فـي ربـيـع وقـيـض والا فا البرادي
فـالـعـبـاده رجـل مـا يـبـغـى دلـيـله
____________مـاســك فـيــهـا ولا فـيـهـا هــوادي
إبـن عـمـي كـل مـا ضقت اشتكيله
____________وان سمع شكوإي جاء كالنور بادي
وان حضر حل الامور المسـتحيله
____________طب للجرح العطيب وله ضمـادي
رغـم فـرق الـسن من جيلي لجيله
____________مـاشـعـرت بـيـوم مـنـه الانـتقادي
هو خـويـي هـو صـديقي والتجيله
____________ازبـنه لـنـه يـجـيـب الـليّ ينـــادي
يـنـتـخـي فاللازمـه لو هي ثقيله
____________شـالـهـا شـيلـه جمل شال العدادي
فـالـلـزوم يـقـوم مـايـومـي شـلـيله
____________محزمه مكروب مشبوب الزنادي
مـا يـقـصـر راعـي الـلازم يجيله
____________ياصله لومن ورى الضلعان غادي
يـعـرف الـمـنـقود ويحفظ الجميله
____________لـيـن يـرجـعـهـا لـهـلـهـا بـزيادي
وان لـفـاه الضـيف يازين اتهليله
____________ثـم رحـب بـه وهـلا بـه وجـادي
وقـام فـي وإجـبـه جود بدون ميله
____________من سخاء مافيه قصد ولا مرادي
وقـفـتـه بـيـن الـعرب وقفه مهيله
____________تـفـتـخر به ناس من كل البلادي
لـو يـجـيـلـه طـفل قام وينحي له
____________التواضع من صفاتـه والرشادي
صادق الاحساس واخلاقـه نبيله
____________به خـصـآل طيبه والطبع هـادي
عالي المقـدار ويحـب الفضيـلـه
____________من ضمير حي للخـيـر انـقيادي
ذي مـزايـا من مزايـاه الاصيله
____________فعل قلب وكف ماهو بجـتـهادي
ومارثـيـته لجل حنا من فصيلـه
____________شاهدي غيري ومن حضروبوادي
ذا ولــد عـمـي ولا بـالـيد حيلـه
____________غير اعد الليّ به اقدام وجدإدي
فالـنـهـار الـليّ به اعلنا رحيلـه
____________والمقـدر جاه يـوم الـرب رادي
لـونـهـا بـالـفـعـل والله ما يشيله
____________لو نحولها معه حرب وجهـادي
في ظهورالخيل وسيوفٍ صقيله
____________او صواريخ وقنابل والعـتــادي
ولو انها بالمال كـل دون حيلـه
____________والصقور تهد في يـوم الهـدادي
واعرف ان كفوفنا ماهي بخيله
____________واعرف ان نفوسنا دونه تهادي
واعرف ان رجعته رجعه مستحيله
____________لو تحـريـنـا رجب والا جمادي
لـكـن الـرحـمــن خالـقـنآ كفيله
____________ويـتـولاه الـولي رب الـعـبـادي
غافر ذنوب الملا منجي دخـيله
____________يـرحـمـه رب ٍعـليه الاعتمادي