[poem=font=",6,black,normal,normal" bkcolor="transparent" bkimage="http://www.alhowaitat.net/mwaextraedit4/backgrounds/29.gif" border="none,4,black" type=2 line=1 align=center use=ex num="0,black""]
ياوجدي على السجات والخبت منقوع=على اول دخول الوسم جاته مخيله
على ابيض من اليبان منشى ومصنوع=يسمونه الGXRباحدث مديله
مكمل به العزبه من الكم الى النوع=وفرخاً من البلجيك ماهي طويله
لي بمحاري ربع ظفران وسنوع=معطي لهم ميعاد من قبل ليله
لبا لهم قلبي صناديد ودروع=مثل الجبال الشامخات الثقيله
ونجينا روابيهن مرابيع ورتوع=شديت دربيلي وخصّ الجزيله
رمياً على الذرعان ورمياً على الكوع=وحده تكوع مصاب وخرى قتيله
وضرمت ناراً تكسر بخاطر الجوع=مجبور لابد ان يغيّر مقيله
وجهزّ لنا فنجال(ن)اشقر على الطوع=على كيف مايكفي كفى الراس هيله
من ام الوعل قرب لنا كبد وضلوع=محلاك يالمشوي بقرص المليله
تمت وكثر الحكي مافيه منفوع=وناقف وفى لأهل النقى والفضيله
[/poem]
اخوكم/المحترم
المقناص
العرض العادي
