السلام عليكم ورحمة الله وبركاته
صبحكم الله بالخير ونعايم الله واعتذر لكم عن الغيبة طولت والعذر والسموحة عند الاجواد مقبول
واهدي لكم هذه الابيات المتواضعه والتي كتبتها بداية تطهير اراضي جنوب الوطن الغالي من المتسللين
[poem=font="Mudir MT,6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] حنـا لأخـو نـورة حـرس حـد وجنـود = وحـدودنـا بـالـدم تسـقـى وتنـصـان
يعقب ويخسى كل خاسي ومقرود = دون الحدود يموت خاسي ومنهـان
إلى وقفنا نحمى البيـض والسـود = المـوت دون الـدار وحـدود الاوطــان
نـقــول للـزيـدي يــدور لــه زيــود = ونخلي الشيعي يعـود علـى ايـران
عز الله اخطت فكرته وده مجود = بعينه يشوف الرد بحدود جيزان
حدود الوطن ما ودها شرط وبنود = الارض مثل العرض ما يوم تنهان
حنا جنود الدين والسيف مجرود = نتبع لواء الرحمن والنصر عنوان
عدونا ما ارتاح في لذة رقــود = شاف النشامى مقبله بكل ميدان
جيشا مدرب للصعيبات والذود = عن عزنا عن دارنا دار الايمان
جيش السعود اللي بذل كل مجهود = وكل الحروب الماضية خير برهان
في حكم أبو متعب ذرى كل مضهود = عـز الله انه بالمواقف بليهان
وعضيده اللي دايم الوقت موجود = لقالوا السلطان سلطان سلطان
من طلعته والجيش بالمجد مسنود = جيش الوطن الى مشى هز الاركان
لأجل الوطن ما ننثني دوم في زود = ندعس على خشم المنافق وينهان
دارٍ ورثناها من أباء وجدود = منهو بغاها بشر يبشر بالاكفان
وأعطوا لأخو نورة مواثيق وعهود = وعهودهم تبقى على مر الأزمان
نمشي بها والعمر للعبد محدود = واللي ورانا مكمله دون نقصان
ونجدد البيعه بالايام وعقود = لخادم بيوت الله ونايف وسلطان
عودة ولي العهد بالخير معهود = غنا لها طير الفرح زين الألحان
وتبوك لبست تاجها وذعذع النود = ورد الشمال ويبتسم كل بستان
وجو التهاني بالفرح صار موعود = لفهد الفهود اللي له الكل مندان
فيه التواضع والبذل دوم والجود = هداج تيما مرويا كل عطشان
يا سيدي سلطان لو غاب موجود = بقلوبنا مسكنه يا طير حوران[/poem]
وسلامتكم ،،،
اخوكم
مجاهد محمد العطوي
حنا لاخو نوره
العرض العادي
