ناس توكل طفلها خبز بـ ديون ] .. [ ومليون يصرف في براطم بهيمـه .. !!!!

البارحه مانمت ضايـق ومغبـون
عيو علي بالنوم نـاس غشيمـه
ناسٍ بفعله تغضب الرب وشلـون
بأسبابها خشاش الصحاري سقيمه
زملٍ عليه العفش ومحزم عيـون
قـام يتخبـط وانتثـر بالعتيمـه
وين الرجال اللي من الله يخافون
وين الرجال اهل العقول الحكيمـه
البل عطايا الله لها عشق مجنون
مـا غيـره زودٍ ونقـصٍ بقيمـه
يامغلين الـذود تكفـون تكفـون
ما للفسـق إلا عواقـب وخيمـه
مدري جهل بالديـن والاتعرفـون
والا هياط ونفعهـا ظـل غيمـه
تباشرو بيناتهـم جـاك مزيـون
كنّـه يبشّـر بالعـراق العظيمـه
ناسٍ توكل طفلها خبز!! بـ ديون
ومليون يصرف في براطم بهيمـه
إن كانكم للخير والطيب تشـرون
ياكثرهم أهـل البـزور اليتيمـه
شوفو عزيزٍ داخل الحبس مسجون
مسجون من كثر الكرم والحشيمه
وألا عجوزٍ ضامها الوقت والهون
ضناه واحد!! رافضاتـه حريمـه
الجود والاحسان والرفق والعـون
أربع ماهي بدروبكـم هالعقيمـه
ياليتكم ناسٍ حريصيـن و........
ولا نعمة تنكب عسى الله يديمـه
انا بدوي في سلمنا حيل مفتـون
اذواد نملـك بالسنيـن القديمـه
يوم إنها مابين طاعن ومطعـون
نـذود عنهـا ماخذوها غنيمـه
يالايمي لو لك معاويـن ومتـون
ما زعزت شخص فرد بالشكيمـه
الحمد لله دايـم إبليـس ملعـون
النفس تصبر لو ظـروف أليمـه
تبطي ويبطي من بنا عمره ظنون
اموت لكـن ماتشـوف الهزيمـه


للشاعر / عبد الله فهاد البجيدي
والله أعلم

البل عطايا الله لها عشق مجنون
مـا غيـره زودٍ ونقـصٍ بقيمـه
يامغلين الـذود تكفـون تكفـون
ما للفسـق إلا عواقـب وخيمـه
مدري جهل بالديـن والاتعرفـون
والا هياط ونفعهـا ظـل غيمـه
تباشرو بيناتهـم جـاك مزيـون
كنّـه يبشّـر بالعـراق العظيمـه
ناسٍ توكل طفلها خبز!! بـ ديون
ومليون يصرف في براطم بهيمـه
والله أنه صادق..الله المستعان
صح لسان الشاعر عبد الله فهاد
وسلمت يداك يالذيب

راااااااائع وصح لسان الشاعر
كلام في محله
كل الشكر لك اخوي نقل رائع

شكراً للشاعر وصح لسانه قال الحقيقه

سلمت يا الذيب على النقل

تحياتي

والا هياط ونفعهـا ظـل غيمـه

صح لسان الشاعر في وصف المهايطيه

وترا لعلمكم الكلام اللي بالإعلام قولة فلان شرا ناقه بــ50مليون كذب xكذب بس اعلام

ومشكور ابو بتال على الابيات الرائعه بوصف من لا يحمدون الله على ما من عليهم به من نعمه ...

شكرا لك اخي العزيز

وبالفعل اسعار مبالغ بها والمال

ان اجتمع مع الجهل مصيبة

المليون يجيب له حرمه وفيلا ولكزس .

المشاركة الأصلية كتبت بواسطة حويطي الشمال

البل عطايا الله لها عشق مجنون
مـا غيـره زودٍ ونقـصٍ بقيمـه
يامغلين الـذود تكفـون تكفـون
ما للفسـق إلا عواقـب وخيمـه
مدري جهل بالديـن والاتعرفـون
والا هياط ونفعهـا ظـل غيمـه
تباشرو بيناتهـم جـاك مزيـون
كنّـه يبشّـر بالعـراق العظيمـه
ناسٍ توكل طفلها خبز!! بـ ديون
ومليون يصرف في براطم بهيمـه
والله أنه صادق..الله المستعان
صح لسان الشاعر عبد الله فهاد
وسلمت يداك يالذيب

حويطي الشمال

كم أسعدني مرورك العطر اخوي

دمت بود

المشاركة الأصلية كتبت بواسطة ندى الصبح

راااااااائع وصح لسان الشاعر
كلام في محله
كل الشكر لك اخوي نقل رائع

الشكر لمرورك الكريم

دمت ِ بود

المشاركة الأصلية كتبت بواسطة المحترم

شكراً للشاعر وصح لسانه قال الحقيقه

سلمت يا الذيب على النقل

تحياتي

وتسلم انت بعد على مرورك المميز كا العادة

دمت بود