السلام عليكم ورحمة الله وبركاته
اخواني واخواتي اعضاء موقع قبيلة الحويطات يشرفني الانضمام لهذا الموقع المميز واتمنى ان نفيد ونستفيد وبما انها اول مشاركه لي حبيت ان تكون هذه المشاركه قصيده غزليه للشاعر : عطالله بن رحال الدماني الحويطي....
عسى المطر ياوادي الطلح يسقيك ,,,,,,يروي ثراك عن المحل ثم يبلك
عشرين ليله مرتعن في مفـــاليك,,,,,, لين الحزوم اللي نبت ماتــدلك
متساويه كل الحــــماده واديــــك,,,,,, حتى الخطوط لديرتك ماتسلك
كله عشان غزيل ساكنـــــن فيك ,,,,,,حبه مابين ضلوع صدري تملك
ابوعيون يذبحن لويراعيـــــــك,,,,,, سلهام رمشه يوم يدله يتـــلك
كنه يقول فلان باسمك يناديـــك ,,,,,,وانته تجيله مندفع غصب كلك
والا انتبه من غفلته عخطاويك ,,,,,,وارعاك صعب انك تغادر محلك
سهمه تعدى للضلوع المشابيك ,,,,,,ذباح بس من نضرة العين شلك
اربع حروفه مالهنه مشاريـــك ,,,,,,حط النقط لاتعتجل عند حـــلك
اثنين منهن داء والرب يحميك ,,,,,,من كل شر وكل شي يـــعلك
واثنين شبه بوسك ليلة مساريك ,,,,,,وممشى على قمرى ترى مايذلك
لا لد فيها صاحبي دون تشكيك ,,,,,,واخذ يفــــكر قلت افلح لـــــعلك
بيوت عكس الحل وبيوت تهديك ,,,,,,وبيوت منهن يابيض الوجه خلك
المساله ودها شطاره وتحريـــك,,,,,, ولا تــــرى لغز القــــوافي يهلك
راع الحروف اللي جبرني انا اجيك ,,,,,,ولا ترى يالطلح مالي بضلك
امشي وتبعد خطوتي عن حراويك ,,,,,,وانساك لو اني قبل ما املك
ياقلب لاتتعب كثير بممـــــاشيك,,,,,, دامك تعرف اللي تبي ماحصلك
اصبر وخل الماضيه من لياليك,,,,,, لو سالت دموعك على فراق خلك
وادي الطلح
العرض العادي
