شفتها يا سعود صدفه

هذه قصيده لشاعر غير معروف منشورة في عدة منتديات

فيه جمال في الكلمات!


شفتها يا سعود صدفه بعد ما غابت سنين *** عند قسم المختبـر وسط مشفى الجامعـه

جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه

قالت انته تـحسبني من بنات صايعين *** تـحسبني في زماني عن طريقي ضايعـه

قلت انا ماراح اطـول كلبوها كلمتين *** وابعـدت عني شويه ثم جتنـي راجعـه

قالت اسال واضح انك من رجال طيبين *** بس هرجك يالسنـافي كان وشهو دافعـه

قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه

عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه

اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه

واذكر انـه عاشـق الورد والياسمين *** وصار قلبي بالـورود اللي عشقهـا زارعـه

قاطعتنـي بقولها سبحـان رب العالمين *** كـررتـها مـره .. ومرتين .. ورابعه

قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه

قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه

قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه

قالت ظروف الزمان ماتطيـع العاشقين *** بيعونـي غصب حبك لو هو ماني بايعـه

انا في دنياي حالي كنهـا حال السجين *** حتـى لو فكـوا سراحه فيه شي ٍمانعـه

زوجوني غصب واحد وحرموني حاجتين *** السعاده فـي زمانـي والحيـاه الرائعـه

والحين انا ام لثلاثه ريـم وياسمين *** والولد اسمه على اسمك والمشاعـر جايعـه ...!!

منقول

قصيده رائعه ومعبره عن أصحاب القلوب الخضر,(( الهواويه))

وهذا النقل يدل على أنك هواوي ,,,,

مشكور أخوي على هذا النقل ,,,,

تحياتي لك,,

اشكرك اخوي بعيد الهقاوي على مرورك الدائم والعطر بصفحاتي


وانا اشهد اني ماني بس هواوي انا اشهد انه اخذ عقلي راع الوشاح المنيل


تقبل تحيات اخوك العطره

ودمت بود


اخوك الاسير

هذه القصيدة انتشرت بشكل عجيب،،، وهي فعلا قصيدة جميلة ومعبرة ،،استمتعنا بقراءتها ،،

شكراً لجمال النقل


تحياتي


جارة الوادي

اشكرك عزيزتي على مرورك العطر


الذي ابهج صفحتي


دمتي بحفظ الرحمن

شفتها يا سعود صدفه بعد ما غابت سنين *** عند قسم المختبـر وسط مشفى الجامعـه

قصيده رائعه أخي الأسير الحويطي شكرا نقل موفق


تحياتي لك

اشكرك اخوي احساس شاعر على مرورك العطر


اسعد الله اوقاتك بالخير والمحبه