( عـرس احزانــــها )

جتنــي
من سوالف أمسها
قلب كسير
وروح مستلذة بصمتها
كل ما تخيط شفاة جرح
ابتسم جرح جديد في عينها
جتني هروب
جتني غروب
جتني نهاية دروب
تلملم آخر أنفاسها
ضميتها
وآآآآآآآآه مدري
إني أبفتق جرحها
واني بكون
الصدر الحنون
اللي سقى اللحظة جنون
في يوم عرس أحزانها
مسرع على كتفي
تبعثر نزف دموعها
يكتب على وجهي
ليه الوفا تطعنه الضنون
ليه الحلم الصغير
يعاف حضن وسادته
وليه الأماني تموت
دون لمس مرادها
تركتها .. واقتفيت
انزع من إطرافي
آخر ملامح وجهها
في مسمعي صرخة ندا
في خاطري رغبة رجوع
بس للأسف ما بيدي حل
يحل وثاق حالها
أسيرة الحزن
أسف أنا .......أسف أنا
أنتي اللي جيتي
في وقت خطا
وقت بخيل بالعطا
وقلوب ناس تجاهلت
صرخة مشاعر نبضها