مدرج برشلونه

اي بلّه اني جيت شاعر بالولاده لا اختـلاق

واحشم قصيدي دامني فاهم وشاعـر مقتـدر

صدري مدرج برشلونه ياسعه وقت الضياق

وشّ له أضيّقها وانا بالشايكه واسـع صـدر

تبطي عظم صدر الرويلي ما يجيه الاختناق

لا انت ولا عشره من امثالك يحبون الغـدر

وشلون تربكني الامور اللي تـؤدي للطـلاق

وانا امطلق كل رجل ٍ فاسـد و وجهـه ودر

وان كان تمنحني حصانه من يطيق ولا يُطاق

فنا رجل ابني قمم صبري و لو رجلي حـدر

مار اتقي شر الحليـم ويدفـع الله هالشقـاق

الوادي اليا سال سال وما عليه امن السـدر

لا وآحسافه يا ولد ضيّعـت شـرط الاتفـاق

حلو الصداقه والعلوم الغانمه راحـت هـدر

كم كان لي بصمه اكيده؟ لعنبو هاك النفـاق

ياخـي قسـم بالله مالـك عندنـا ذرة قـدر

سقها وموت امن القهر جعلك فنا للاحتـراق

ما تسمن ولا تغني المتعومس ان جاه الكـدر

تخفّ وزنك والقصايد معتمه عنـد الوثـاق

وانا هنا اكتب قصيدي وارسمه ليـل وبـدر