احلام منثوره

[poem=font="modawar,5,black,bold,italic" bkcolor="transparent" bkimage="http://www.alhowaitat.net/mwaextraedit4/backgrounds/188.gif" border="double,4,black" type=2 line=0 align=center use=ex num="0,black""]
الليله اللي تمر بنفس مقهوره=اركت على الداله التايه ثقايلها
ماكنها الا تحجب الحلم والصوره=نفسن على الحلم ياليل الشقى ولها
والصمت موحش وانا في درب مهجوره=ياكم ضيقه تفج القلب شايلها
حذرن واكد القدم والنفس مذعوره=يحدها الليل في جنحه ويشغلها
لو كل سجه بدت للناس محظوره=تكثر مشاعيب هراجه تناقلها
جيت اجني الصعب كفي تنزع جذوره=وش هون الحال وبنادم يهولها
الشوق سوا هجيره بالحشى ثوره=لاهودت نار تطرا لي وتشعلها
جيتك وانا عبرتي بالصدر مقبوره=عامين كانت حبيسه في معاقلها
تكفين ياللي على الهجران مجبوره=تعالي نراجع الدعوى من اولها
صغارلكن جمعنا الوجد وشعوره=احلامنا كبار والدنيا تجاهلها
كان الفضاالرحب فيه احلام منثوره=نسهر مع الليله القمرا نغازلها
ياكم ليله تجي وتروح مسروره=روح بها الصبح لاشدت رحايلها
وش لون مدري ولكن للزمن دوره=قصة معاناتنا باصعب مراحلها
حتى وانا اودعك باقول معذوره=حالن مثل حالنا منهو تحملها
ان كان قلبي عذابه منك مشكوره=ياحي حزنن سبا حالي وبدلها
[/poem]