[align=center]
[poem=font="Simplified Arabic,6,black,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
مرت تجر العطر والثقل والزين = وانا مثل كل الشباب وقفوا له
عطره يذر العطر على البساتين = ثقله يسولف عن نسب عن حموله
فستانها ذايب بخصره من اللين = وخصره من الفستان ياخذ عموله
ايو الله اني حاسدك يالفساتين =ياحظك بخصره بعرضه بطوله
بعيونها سيوف العرب يوم حطين = منها النفاذ " بجلد قلبك " بطوله
أقفت وأنا عيني عليها لهالحين = مالوم عيني " ياخذ العقل " زوله
وناديتها " يامترفه " وبطرف عين =قالت : أنا . قلت : إيه . قالت : أموله
أموله .. مية مرحبا . قالت : أهلين =أموله : عندي بيت ممكن أقوله
شوفي شكل شفايفك قاهر التين = والجمر يكوي والثمان امعسوله
" اموله " أنتي غير كل المزايين =انتي مثل فصل الربيع وحلوله
قالت : منين ؟ وقلت له : يعني منين = ما تعرفين اللي ذبل من ذبوله
قالت : وش اسمك بس تمتمت ميمين =وآخر ثلاث حروف دوح امغيوله
قالت : معي للقاهرة . قلت له وين = عادي تقول القاهرة بكل سهوله
" أمل " أنا رجال بلشان بالدين =ويني ووين القاهره يا مهبوله
أقساط وحسابات والراتب الفين = وحزمة مشاكل اتعبتني حلوله
" اموله " روحي لازم انتي تروحين =أنتي المطار مصاحبك من طفوله
وتذكّريني عند الاهرام تكفين = تذكري حال النحيل ونحوله
" أموله " أنتي تذكره لا تحجزين = روحي كذا تستقبلك أي دولة[/poem]
ممدوح الرواي[/align]
أمولـــــــــــه
العرض العادي
