وجهاً تواجه به .. ولـك وجـه تخفيـه
وانـا لـك الله .. مـا جهلـت الخفايـا
لاشـك بعلنهـا واباقـول يــا هـيـه
وش لـك بتفتيـش الغـرف والزوايـا
جاملت وافهم كـل مـا اقـول واعنيـه
ولا يجهلـك مغـزاي واصـل الحكايـا
فـي يـد صافحتـه وفـي يـد ترميـه
يـا لعنبـوا قلبـك خبـيـث النـوايـا
مدري وش اللـي مـن فعايلـه يجنيـه
لاصـار فـي غـدري يجـازي غلايـا
العلـم لـه واضـح ويفهـم خوافـيـه
يفهـم هـدف قلبـي وباللـي ورايــا
حبلـه علـي مـن لـه زمانـن يلويـه
وما يـدري انـه ضايعـن فـي دهايـا
أضحك مع الجاهـل واخاويـه وأرضيـه
واللـي تغيبـانـي عطيـتـه غبـايـا
ابيـه يظهـر كـل خبـثـه ويبـديـه
واذا ظهـر كـلـه يـواجـه جـزايـا
في ذمتـي لأحـرق بقلبـك ولا أكويـه
باللاهـب اللـي ينهمـر مـن حشايـا
في قافي اللـي غامضـاً فـي مساريـه
جـت لـك خناجرهـا ولاهـي حكـايـا
حاولـت أعديهـا واغمـض واعـديـه
لاشــك زودهــا بـعـدة خـطـايـا
روكب عليـه بليـس وابليـس مغويـه
وانـا الخطـاء كلـي بوجهـه خطايـا
يا يـوم يـا يـوم العتـب والمشاريـه
تـجـاوزت كــل الـغـلا والتحـايـا
عنـدي تظاهـر بالحـلا فـي مباديـه
والصدق عكـس اللـي يسـوي معايـا
كشفـت لـي شيـاً يزلـزل روابـيـه
وانا اشهـد انـي لا انجضـه بالكوايـا
مـا كـل راعـي وعـد وعـده يوفيـه
وذيـك الشظايـا عندنـا لـه شظـايـا
ولا كل مغلي مـات مـن مـوت غاليـه
ولوهـي كـذا مـا كـان باقـي طنايـا
ولا كـل باغـي يمتلـك شـي باغيـه
ولوهي كـذا عنـدي جيـوش ورعايـا
سنجـار مـا يرقـاه يـا كـود راعيـه
يالبيـض والا يـا بـيـاض النـوايـا
راع السـواد الاسـودي مـا ندانـيـه
ولا أتشـرف فــي وجــوده معـايـا
بعـض الخلايـق ينخـدع فـي قوافيـه
مـا يـدري ان الداهيـه لــه دهـايـا
طرقت لي جانب ولـو كنـت مـا بيـه
علـيـه حدتـنـي علـومـاً خبـايـا
وأن قلت انا يا فلان فـ/ العكس ما اعنيه
يالـورد خـذ منـي سيـوفـاً هـدايـا
أنـا العنيـد اللـي عظيـم الوفـا فيـه
الجـود طبعـي والكـرم مـن رحـايـا
مانـي بـدانـي هالمـلـذات تغـريـه
لـي فـي ديـار العـز مليـون رايــا
انـا شمـوخ الطيـب وانـا مبـاديـه
ذيب الجبـل وان قلـت ذيـب السرايـا
وان قلت وين الطيـب عنـدي دعاويـه
عندي وانـا مـن روس روس العطايـا
أسقـي ميامينـه واسـقـي شمالـيـه
ولا تمشـي اقـدامـي دروب الـردايـا
ذيـب يهابونـه وتعـجـب مسـاريـه
واذا سـرى مـا يـاكـل الا الشـوايـا
غيـر العقـال اللـي تمايـل بعالـيـه
مـا فيـه ميـلـه والهقـايـا هقـايـا
إسمـع كلامـي زيـن وأفهـم معانيـه
ما طلت أرضـي كيـف توصـل سمايـا
أولـك دامـه شيـن ينـعـاف تالـيـه
مـا دام انـا بالـذل مـالـي مطـايـا
العلم جـاك وكـان بـه علـم عطنيـه
عشـان اسـوي فـوق راسـك سوايـا
الذيـــــــــــــــب
العرض الشجري