الحب القـديم

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
سلام يالحب القديم اللي علـى شطـي طفـا=تقبـل علـيَ ونيتـك تخافـنـي وأخافـهـا
نية جفا تصوغهـا بحـب وحسـاس ودفـا=يعني تبين لي مشاعـر لـو تكـن خلافهـا
لكن قبل لا بادلك منـك ابـي وعـد ووفـا=ودي تبيـن نيتـك شنهـي توالـي أهدافهـا
إن كان قصدك مامضى عن مامضى قلبي عفا=ونفسي تراها طيبـه مـن طيبيـن أسلافهـا
وإن كان ناوي بي اذى كتفي من أحبابي إكتفا=وروحو إسألوا ذيك الخناجر جورها بكتافهـا
تعبت أدور في ليالي البرد عـن ليلـة دفـا=مثل الضرير اللي تمنَـا حاجـةٍ مـا شافهـا
يعني بعد ماطاب قلبي ورمش عيني قد غفـا=تبغاني أرجع ع العلوم اللي زمـان أعافهـا
لملم مشاعر جيتك ياصاحبـي واللـي خفـا=لني مشاعر جيتك ماعدت انا أقـوى لطافهـا [/poem]