زين الالباس
مهداه الى اخوي الغالي خالد بن سوعان الربيٌع
مــالــوم خــالد يوم بيٌـح خوافيه ,,,,,,,,,, وابــدى هواجيــسٌ تنـامـت ابجـوفه
اظهرلي الســر الـذي كـان كاميه ,,,,,,,,,, يخشى من اعيون الحواســد تشوفه
خــالد شــكالي حب منهوب يغليه ,,,,,,,,, حيث ان صويب الحب تفشل اسعوفه
خطرً على القلب الذي يشتقي فيه ,,,,,,,,, والحـــب مــابــــه للمـــولـع مـروفـه
ينزف صـوابه مـانفعبـه امـداويه ,,,,,,,,,, وخطــٌر صـويب الحب يـارد احتـوفه
يابــو هيـا جـربت قبـلك مـآســيه ,,,,,,,,,, واخــذت منـه الشـين دون امعــروفه
عانيت من فـرقا حبيبٌ امهـاويـه ,,,,,,,,,,, يســـج فكــري يـوم تعـرض اطيوفه
وياما سهرت الليل لاهي ابطاريه ,,,,,,,,,, والبُعـــد يا مشـكاي تـذبـح اســيوفه
هــم الجفـا والبعُــد ما كنت قاويه ,,,,,,,,,, وعـانيت مـن وقـتً غشـتني اصدوفه
فكري مع اللي زين الالباس يزهيه ,,,,,,,,, الصــاحب اللــي كـامــلاتً اوصـوفه
نوبً قـريب ونـوب تبعـد مشاحيه ,,,,,,,,,, عـــذلت قلبـــي ميــــر عيٌــا يعــــوفه
يابــو هيـــا ذكرتنــي فـي ليــاليـه ,,,,,,,,,, اللـي مضـت لـي ما اتشــادا اصـنوفه
ذكـرت قلـبً شـبه ناسـي لماضيه ,,,,,,,,,, الشــوق هـــٌزه والطــواري تحـــوفه
مالوم انا اللي لاهـب الحب يكويه ,,,,,,,,,, واللــي يلــومه ما اتصــدق احلــوفه
ماداس جمرات الهوى في مواطيه ,,,,,,,,,, وهمٌــه طعـامه والسـلامه اشـفوفه
مـاتت احـاسيسه وكــبرن عـلابيـه ,,,,,,,,,, هــاك البليـد اللـي اعـراضً اكتـوفه
معـذرك انـا لو قلـت ماني ابناسيه ,,,,,,,,,, وادري بنفســك عن سـواها عيـوفه
غــروً خطــف قلبـك وتـلٌه بيـاديه ,,,,,,,,,, وادري تمنـى كل ســــاعه تشــــوفه
وان كان هو صادق وطابت مباديه ,,,,,,,,, لجلــه تحــد الوقـت واقهــر اظروفه
وان كـان هـو خـدٌاع غلطان تغليه ,,,,,,,,, خلــه يــولـي مـا عليــه الحســـــوفه
وانــا معك باللي تشوفــه وتبغيـه ,,,,,,,,,, امشـــي وقلبــي مـا تغشـــلاه خــوفه
بالجهــد واللـي نملكـه مــا انبقيـه ,,,,,,,,,, لرضــاك انــا مــااهاب لوبـه كلــوفه
والصبر تُحمـــد يا عضيدي تواليه ,,,,,,,, ومـن لا صبـر يندم ويصفق اكفوفه
محمد بن سوعان الربيٌع
زين الالباس
العرض العادي
