مكالمة بعد منتصف الليل !!!

[poem=font=",6,darkblue,normal,normal" bkcolor="transparent" bkimage="" border="solid,4,darkred" type=0 line=0 align=center use=ex num="0,black""]
نايم في ليلي متهني = لا خالي بال ولكني
متحاشي همي ومتناسي = احداث القصة الماضية
صحتني رنة جوالي = صوت الرنة بليلٍ خالي
قلت الله انك تسترها = وش هالرنة وش تاليه
مسكت الجوال بيدي = مضايق حدي ومن جدي
فيني ضيقة صاحي نومة = من قبل انوار الفجرية
فتحت الخط بقولة الو = جاني صوت يشيب حلو
هذا النمبر نمبر لينا ؟ =لعن اوم الكذبة البناتية
دلوعة بغنجٍ لبناني = وصوتٍ اخذني ووداني
حكيٍ كنه همس طفولة = وتضحك ضحكات بحنيه
قلت النبرة ماهي بلينا = وهالسحبة ماهي علينا
صوتي ماهو بالبناتي = شكلك غلطانة يابنية
قالت شو مالك مدايء= بلكن بعدك منك فايء
اضحك خلي الجو فرري = في هيك الليلة الصيفية
قلت بقلبي استر ياربي = وش خافيها و وش متخبي
في هالساعة وش تبغيبي = كن ارقامي للدورية
كل اللي يبغاها جاها = ويدقدق من عنده اعطاها
ماني ملحق عاللي حولي = تجيني هالبنت الشامية
الله يلعن شر اشكالك = جيتي يمي وماحد جالك
قلبي توه يصلب طوله = من عقب الصدمة المنسية
قالت ممكن نحكي شوي = بلكن شءشء فيني الضي
فيني زهئة تكفي حارة = كنها مسة شيطانية
قلت علومي ماهي علومك = وايامي ماتشبه يومك
انتي بالمكياج تدجي = وسط البارات الليلة
ولا انا عايش متعافي = مصيوبٍ بس الله شافي
مصيوبٍ من تالي قصة = خلتلي ضلوعي مبلية
قالت شو مالك عم تشكي؟ = من حظك يمكن راح تبكي
والله لو تعرف همي = بتحس ايامك سحرية
مهمومي بهمي مسجوني = واحزاني في ألب عيوني
واحساسي كني يتيمة = تفئد احساس الحنية
ولك واحد مثلك متهني = يحئلو يرئص ويغني
مو هيك بيشكي حال= كنه بيعشئلو جنيه
قلت الدعوة صدمة عاشق = والسهم اللي بقلبي راشق
خلاني ابعد بدروبي = عن درب الحب وطاريه
ولا انا فارس من يومي = واجنن حوا بعلومي
واخلي النسوة تتبعني = واعكس اساس النظرية
قالت يافدوا لعينيك = يعجبني الشب اللي هيك
تؤبرني وتؤبر احلامي = وتؤبر ايامي الماضية
ولك والله يعجبني صوتك = ويعجبني حكيك وسكوتك
يعجبني هالشب الراسي = كنه من الاسرة الملكية
قلت بقلبي وش تاليها ؟ = هالحين تبين خافيها
سامع هالحكي المتكرر = صاير يشبه للاغنية
قلتلها اعجبني كلامك = وحظ المتهني بغرامك
لكني جدا متأسف = فنش شحن البطارية
وقفلت الجوال بيدي = متعمد ؟ اي والله حدي
متعمد انهي كذبتها = وانهي عرض المسرحية
وجوالي مقفل خليته = ولا نمت بصامت طشيته
حتي ما يزعجلي نومي = بالكذبات البناتية


محاولة نبطية لي واتمني ان تعجبكم
[/poem]