يامحمد ماتخايل نجم سهيل وقاد

[poem=font="Simplified Arabic*5*blue*normal*normal" bkcolor="transparent" bkimage="" border="none*4*gray" type=2 line=0 align=center use=ex num="0*black"]
يامحمد ماتخايل نجم سهيل وقاد= والا نجم الجدي بااقصى شماله
سهيل يغيب وظلمة الليل تزداد= والجدي يرتحل ويصير نجم بداله
و عيني ماتهنت بلذة النوم وارقاد= لو غيري بالنوم ترتاح حاله
لجن ليلي لي مع الهواجيس ميعاد= هذولا يجو فوج وهذا لحاله
وانا من وحشتي للهواجيس منقاد= والقايد الاكبر اعلن للقلب احتلاله
شكلوا دوله بها مسودين واسياد=وشيد قصر وفيه بهر دلاله
. قريت ماسبق اكيد ياابن الاجواد=وتقول في بالك هذي جهاله
هذي سبة الحب والحب لاعاد= لانزل في قلب صعيب ارتحاله
يمكث في قلب العاشق ولافاد= قراية الشيخ وصرف الدواء له
سلطان ولازم لامر السلطان تنقاد= ولاتستطيع انك تخالف امر قاله
القلب يطيع حتى لوبنفسك عناد= وتمشي تبع قلبك وتهوى مجاله
والمحظوظ اللي عشقته قلبهاراد= قربه وتقول عنك البعد استحاله
واللي ماساعف معه حظه ولافاد= هذا يصبر لين يحين اعتداله
وسوالف العشاق فيها ظلم وتوداد= وفيهاتغلي وفيهالذة وصاله
ويامحمد اخوك على الحب معتاد= شارب كأس الحب حتى الثماله
يامحمد لو تشوف الضوء وقاد= ترى قلبي يشتعل مثل اشتعاله[/poem]

[align=center]صالح أبورباح[/align]

سلطان ولازم لامر السلطان تنقاد
ولاتستطيع انك تخالف امر قاله
القلب يطيع حتى لوبنفسك عنـاد
وتمشي تبع قلبك وتهوى مجالـه
والمحظوظ اللي عشقته قلبهـاراد
قربه وتقول عنك البعد استحالـه
واللي ماساعف معه حظه ولافاد
هذا يصبر لين يحيـن اعتدالـه

عز الله انك كفيت وفيت يالغالي.

أخوي صالح من أروع ما طرحت ونظمت لنا..كلمات جميله جداً

فيها من الأبداع الكثير.

فسجل أعجابي هنا

دمت مبدع أخي صالح

اهلا وسهلا اخوي عبدالله الموسي
اعجابك وصل
والرائع هو مرورك

اشهد انك ذيب

ابدعت يا النشمي


وعجز اللسان عن الوصف



رائع اخوي


لك اجمل تحية


الشهاب

الله يسلمك
ومرورك زاد الموضوع روعه

الشاعر القدير ذيب كل الجهات
صح لسانك
جزلة من قلم نتابعه بحب و اعجاب
دمت يالراقي

شكرا اخوي الاتي الاول
سعدت بمرورك وتعليقك