هذا الله يسلمكم العمدة مشتهي المنسف من سنة و اكثر . و قامت الاخت وعد و ارسلت له عنوان مطعمين في جدة يسووا منسف واحد اسمه زيتونة و الثاني اسمه كان زمان . و من يومها و العمدة و ابن الفخر يدوروا هالمطعمين و ما في فايدة .
المهم اليوم كلمنا 905 نسألهم عن مطعم زيتونة قالوا ما في زيتونة و لا في بصلة .
طيب يا جماعة كان زمان قالوا كمان ما في مطعم بهالاسم . قلت في عقلي ما هو معقول اختي وعد تعطيني ركبة .
لانها قالت لي انها تعرفه و سبق انها اكلت فيه منسف . رجعت مرة ثانية و كلمت الاستعلامات و أكدوا ان ما في مطاعم بهالاسم في جدة . طبعا العمدة ما اقتنع . و مثل ما انتم عارفين ان عمدتكم ذكي . فقمت بعملية التفاف تكتيكية على موظف الاستعلامات و قلت له اعطيني اي مطعم يبدا اسمه بـ كان و اذا ما لقيت اعطيني اي مطعم ينتهي اسمه بــ زمان . و نجحت المحاولة و قال في مطعم اسمه كان يا ماكان في الحمراء . قلت له بس وصلنا على خير . و اخذنا الرقم و اتصلنا و سألناهم عندكم منسف قالوا وصلت يا زلمة . عاد انا عرفت انا وصلنا من يوم قال لي يا زلمة . قلنا اعطونا العنوان قالوا خلف مستشفى الولادة و بصراحة انا تشاءمت يوم السالفة صار فيها ولادة و مستشفى . و المصيبة ان ابن الفخر عزم خطيبة المستقبل و اهلها معنا . و تقابلنا عند كان يا ماكان و بصراحة المطعم من الخارج و الداخل جميل و تراثي و معمول بـ دزاين البيوت القديمة حتى الستاير فيه خيش و بصراحة تفائلنا من المكان لانه خارج نطاق العصرية الي الواحد مل منها . طلعنا الدور الثاني و جلسنا و طلبنا المنسف افندي . و كانت اول ملاحظة ان التكييف سيئ و الجو داخل المطعم حار شوي . قلنا كله يهون في سبيل المنسف . المهم طلع المنسف ما هو جاهز و بيعملوه بالطلب و بعد ساعة جابوا المنسف و يا منسف الشوم . اللحم بلاستيك و الظاهر انه مجمد بالاساس و الرز الله يعلم بحاله و المرق مايص و حالته حالة حتى المكسرات الي عليه كسرت اسنان العمدة . المهم انه منسف ما تعزم عدوك عليه . المهم بلعناه و سددنا الفاتورة 600 ريال و مشينا . بعد شوي حسيت بحرقان في المريئ ما مر علي في حياتي و ما نفع معه المتيليم و لا كل مزيلات الحرقان و لهلحين اعاني منه . اما المصيبة فحصلت على ابن الفخر الي صابه اسهال و مغص لانه بطيني و ما خلا شي في الصحون . و المشكلة الثانية اننا مستحيين نتصل على الناس الي كانوا معنا لا يكون حصل عليهم شي و نكون حنا السبب .
المهم الي ورطتنا بهالمطعم اختي وعد و لازم تدفع قيمة الغداء و قيمة الادوية و قيمة عطل و ضرر خاصة لابن الفخر لانه لهلحين مقابل دورة المياه الله يكرمكم . و ان ما استعدت الاخت وعد بالتكاليف فانا مضطر ارفع الموضوع لاخوي البحر يشوف لي حل معها . و كل منسف و الجميع بخير .
تحذير لجميع التماسيح في الوطن العربي
انتبهوا تاخذوا وصفة او راي من اي سحلية لانهم يبغوا يتخلصوا من جنسنا النادر
المواضيع المتشابهه
منك لله يا وعد الحويطي
العرض العادي
