ستل جناحه ثم حام يرقى على متن الهوا

ستل جناحه ثم حام يرقى على متن الهوا
يزفه بعيد وانا محدود في حد النظر
له بالهوا شف ومرام يلعب مع الغيمة سوا
ولا جناح لي واطير والارض صارت لي مقر
طيري ضرب جو الهيام ولو دعيته ما التوى
عزي لمن طيره غدا ولا له من امره مفر
فكري تغشاه العسام مسيت وفكري ما ضوى
الارض قفر من الونس والليل من فرحي قفر
شبيت ضوي بالضلام في صحصح ذيبه عوى
مالي انيس الا النجوم او نور وضاح القمر
خالي وكني في زحام قلبي تلهب وانشوى
ما عاد اميز بالحشا والا على الضو الجمر
وين انت يا داعي سلام وين انت يا بايع دوا
ردولي النومه ترى بالعين جلاد السهر
دورت بالشده حزام ولا لقيت اللي قوى
يالله دخيلك ما لقيت اللي نشد به الظهر